Аҧсны Аҳәынҭқарра Ахада Аслан Бжьаниа иуаажәлар Гагра араион ахақәиҭтәра ҩеижәижәаба шықәса ахыҵра амш рыдиныҳәалеит.

Аҧсны Аҳәынҭқарра Ахада Аслан Бжьаниа Аџьынџьтәылатә еибашьраҿы Гагра ахақәиҭтәраан иҭахаз аибашьцәа рбаҟа амҵан ашәҭ шьыҵәрақәа рышьҭаҵара иазкыз аусмҩаҧгатә далахәын.

Ашәҭқәа рышьҭаҵараан иҟан иара убас Аҧсны Ахада ихаҭыҧуаҩ Бадра Гәынба, Жәлар Реизара Аиҳабы Лаша Ашәба, Аҧыза-министр Алеқсандр Анқәаб, Аҧсны иҟоу Урыстәыла ацҳаражәҳәаҩ Михаил Шургалин, Жәлар Реизара адепутатцәа, Аиҳабыра реилазаара иалоу, Гагра араион анапхгара, атәыла ақалақьқәеи араионқәеи рхадацәа, аибашьра аветеранцәеи хатәгәаҧхарала иааны еибашьуаз рхаҭарнакцәеи, иҭахаз рҭаацәеи, ауаажәларреи.

Аҧсны Ахада Аслан Бжьаниа Урыстәыла Ашәарҭадаратә хеилак ахантәаҩы ихаҭыҧуаҩ Рашид Нургалиев имшира идиныҳәалеит. Абри аанацҳауеит Аҳәынҭқарра Ахада ипресс-маҵзура.

Аҧсны асанитартә-епидемиологиатә станциа аҳақьым хадас иҟаҵоу Алла Белиаева напхгара зылҭараны иҟоу аколлектив дыдирдырит Аҧсны агәабзиарахьчара аминистр Едуард Быҭәба.

Ареспубликатә хәышәтәырҭаҿы азеиҧш рҧхарҭа еиҭашьақәдыргылеит. Абри аанацҳауеит Агәабзиарахьчара аминистрра апресс-маҵзура.

Аҧсны агәабзиарахьчара аминистр Едуард Быҭәба даҭааит аҵыхәтәантәи амзақәа рзы аремонттә усурақәа ахьымҩаҧысуаз Ареспубликатә хәшәтәырҭа.

Ҳаҭыр зқәу ҳауаажәлар! Ҳаҭыр зқәу аветеранцәа! Акыр иаҧсоу аҩызцәа! Ишәыдысныҳәалоит милаҭрацәала еилоу ҳажәлар зегьы рзы аныҳәақәа ирныҳәоу – Аиааиреи Ахьыҧшымреи Рымш!

Сентиабр 30 – Аҧсны Аиааиреи Ахьыҧшымреи рымшныҳәа аан Аҳәынҭқарра Ахада Аслан Бжьаниа, уи ихаҭыҧуаҩ Бадра Гәынба, Жәлар Реизара Аиҳабы Лаша Ашәба, Аҧыза-министр Алеқсандр Анқәаб, Аҧсны иҟоу Урыстәылатәи Афедерациа ацҳаражәҳәаҩ Михаил Шургалин, Аҧсны иҟоу Аахыҵ-Уаҧстәыла ацҳаражәҳәаҩ Олег Боциев, Жәлар Реизара адепутатцәа, Аминистрцәа Реилазаара иалоу, аибашьра аветеранцәа уҳәа аӡәырҩы Аҧсны Аҳәынҭқарра раҧхьатәи Ахада Владислав Григори-иҧа Арӡынбеи, Аҧсны аҩбатәи Ахада Сергеи Уасил-иҧа Багаҧшьи рбаҟақәа рымҵан ашәҭ шьыҵәрақәа шьҭарҵеит.

Урыстәылатәи Афедерациа Апрезидент Владимир Путин Аҧсны Аџьынџьтәылатә еибашьраҿы Аиааира ҩеижәижәба шықәса ахыҵра инамаданы Аслан Бжьаниа адныҳәаларатә шәҟәы изааишьҭит.

Октиабр ҩба рзы Қырҭтәыла аҳәынҭсовет ар рҟнытә Гагра ақалақь ахы иақәиҭтәуижьҭеи ҩеижәижәаба шықәса ҵит. Абри арыцхә инамаданы Гагра аныҳәатә усмҩаҧгатәқәа еиҿкаан.

Аҧсны Ахада Аслан Бжьаниа Донецктәи Жәлартә Республика Ахада Денис Пушилин, Лугансктәи Жәлартә Республика Ахада Леонид Пасечник, Запорожиетәи аобласт Администрациа Ахада Евгени Балицки, Херсонтәи аобласт Администрациа Ахада Владимир Сальдо ирыдиныҳәалеит Урыстәылатәи Афедерациа аилазаарахь рыдкыларазы аиқәшаҳаҭра анапаҵаҩра.