Гәылрыҧшь араион Кациқыҭ икаҳаит Аҧсны атәылахьчара Аминистрра иатәу аҳаирплан МИ-24. Хҩык аҳаирплан зырҧыруаз рыҧсы ҭоуп, Аҧсныпресс ахь иааицҳаит Арра – Ҳаиртә мчқәа ркомандаҟаҵаҩ Адгәыр Гәымба. Ахҭыс ахьыҟалаз аҭыҧахь днеит аҭагылазаашьа ҷыдақәа рминистр Лев Кәыҵниа. Иҟалаз зыхҟьаз амзызқәа ҭырҵаауеит.

Аромантикатә цәахаа аҟәнышьшьы иссиршәа еибаркуп ахәыҷқәа рдунеи! Уантәи ауп зегьы ҳахьаауа. Ҳандухалак, ҳәарада, ҳхәыҷратә шықәсқәа ирҩыз ҳаԥсҭазаара адаҟьақәа зегьы ҳгәалашәараҿы иауаанхахуа, ирацәоуп аҳарҭа-сырҭа ыҟамкәа аԥхыӡ еиԥш имҩасуа.

Агәабзиарахьчара аминистр Едуард Быҭәба Гәдоуҭатәи араионтә хәышәтәырҭаҿы анҭыҵтәи аилатәара мҩаԥигеит, – адырра ҟаҵоуп агәабзиарахьчара Аминистрра аофициалтә саит аҿы. Аилатәара ихы алаирхәит араион ахада инапынҵақәа назыгӡо Рауль Лолуа.

Иҷыдоу апрограммақәеи апроектқәеи Русбарҭа анапхгаҩы Антон Мельников напхгара зиҭо Урыстәылатәи Афедерациа аекономикатә ҿиара Аминистрра ахаҭарнакцәа ргәыԥ Аԥсны иаҭааит, – адырра ҟанаҵоит Урыстәылатәи Афедерациа аекономикатә ҿиара Аминистрра аофициалтә саит.

Хәажәкырамза 27 атеатр Жәларбжьаратәи амш ауп. Иара азгәарҭоит 1961 шықәса инаркны. Уи атеатр амаҵ азызуа зегьы рзы занааҭтә ныҳәас иԥхьаӡоуп. Атематикатә цәыргақәҵақәа, аспектакльқәа, аиԥыларақәа. Гәык-ԥсыкала ирыдаҳныҳәалоит Аԥснытәи атеатрқәа рымаҵ зуа зегьы рзанааҭтә ныҳәа.