Урыстәылатәи Афедерациа Апрезидент Владимир Путин Аслан Бжьаниа адныҳәаларатә шәҟәы изааишьҭит аҳәынҭқарра ахьыԥшымра жәларбжьаратәи азхаҵара 15 шықәса ахыҵра инамаданы.

Аҧсны Ахьҧшымра азхаҵара 15 шықәса ахыҵра инамаданы август 25 рзы акультуратә платформа «Гума» аҟны Москва ахадара рыбзоурала еиҿкаан аныҳәатә концерт.

Аԥсны аҳәынҭқарратә хьыԥшымра жәларбжьаратәи азхаҵара амш – август 26 аҽны Аԥсны Ахада Аслан Бжьаниа даҭааит Очамчыра араион Џьгьарда ақыҭан.

Аԥсны Аҳәынҭқарра ахьыԥшымра жәларбжьаратәи азхаҵара Амш аҽны Аслан Бжьаниа Аԥсны Раԥхьатәи Ахада Владислав Арӡынба игәалашәара ҳаҭыр ақәиҵеит.

Аҟәа, Ахьӡ-Аԥша апарк аҟны имҩаԥысит 1992-1993 шықәсқәа рзы Аԥсны жәлар Рџьынџьтәылатә еибашьраан иҭахаз рбаҟаҿы ашәҭқәа рышьҭаҵара.

Сара сиит, сааӡеит аҭоурых ду змоу, жәытә-натә аахыс илахьынҵарбагаз аамҭақәа раан ҳажәлар еизаны рыгәҭыха, рхьаа, ргәамҵра ахьеибырҳәоз, мҩак иахьықәырҵоз Лыхны ақыҭа. Уи иалиаауан ажәлар рҿахәы еиҭазҳәашаз аҵеицәа, Нестор Лакоба аҧхьа днаргыланы.