Ииун мза 25 рзы Ауаажәларратә палатаҿ имҩаԥысит атуриндустриа ахаҭарнакцәа злахәыз аиԥылара. Араҟа ирылацәажәон Аԥсны иахьа атуризм аҭагылазаашьа, насгьы ирзааҭгылан дара русураҿ ирԥыло ауадаҩрақәа.

Аҩӡба Ибрагим диит, изҳаит Ҭырқәтәылан. Даныхәыҷыз инаркны иҭаацәа рҟынтә ибзианы еилкааны иман иабдуцәа рҭоурых. Идыруан иԥсадгьыл иахнагахьаз… Аԥсуа бызшәа еиликаауан, маҷкгьы иҳәон. Аибашьра ашьҭахь Аԥсныҟа дааит.

Аҳәынҭқаррақәа зегьы рҟны аихамҩа аҭыҧ ҷыда аанызкыло стратегиатә хырхарҭоуп. Атәыла аекономика аҿиаразы иамоу алшарақәагьы маҷым. Ус иҟоуп ҳреспубликаҿгьы.

Владимир Џьгәанаҭ-иԥа Кәарҷелиа диит 1919 шықәса ииун азы Аҷандара ақыҭан анхаҩы иҭаацәараҿы. Алагамҭатә ҵара иоуит иқыҭа гәакьаҿы, 1930 инаркны 1936 шықәсазынӡа Гәдоуҭатәи абжьаратә школ аҟны аҵара иҵон.

Аԥсуа ҵарауаҩ ду Шьалуа Инал-иԥа ииҩыз ари астатиа агазеҭ «Аԥсны ҟаԥшь» ианылеит 70 шықәса уажәаԥхьа. Аԥсны жәлар рпоет Д.И.Гәлиа диижьҭеи 80 шықәса анҵуаз – 1954 шықәса февраль 21 аҽны.