Сынтәа Аҧсны Жәлар рџьынџьтәылатә еибашьраҿы Аиааира 30 шықәса ахыҵуеит. Уи Аҧсны жәлар зегьы иазгәарҭоит.

71 шықәса дшырҭагылаз лыԥсҭазаара далҵит апоет Инна Аҳашба. Аԥсны ашәҟәыҩҩцәа Реидгыла гәалсра дула ирыдышшылоит уи лҭаацәеи лҭынхацәеи.

Аԥсныпресс. Атуризм аминистр Ҭеимураз Хышба Ҟазахсҭан имҩаԥысыз I Жәларбжьаратәи атуристтә форум «Иҭышәынтәалам адунеи аҿы иҭышәынтәалоу атуризм аҿиара», иара убас атуроператорцәа жәларбжьаратәи рконгресс «Жәларбжьаратәи атуристтә џьармыкьа ҳаамҭазтәи аҭагылазаашьақәа рҿы атрансформациа, аҿиареи апартниорреи рперспективақәа» ҳәа ажәахә ҟаиҵеит.

Аҧсны Аџьынџьтәылатә еибашьра Аиааира амш 30 шықәса ахыҵра аламҭалаз, аибашьраҿ иҭахаз рҭаацәарақәа Атәанчахәытә фонд амчала ирызшәахоит зныктәи аҧаратә ҳамҭа 20 нызқь мааҭ.

Аҧсны Акультура аминистрра ахаҵгыларала сентиабр 16-17 рзы Аҧсны имҩаҧысит аҧсуа-адыга фестиваль «Риҵа арифмақәа». Афестиваль хацыркын 2018 шықәса рзы. Уи шьҭа традицианы ишьақәгылеит. Аханатә аҧшьгаҩыс дамоуп аҟабарда поет, адраматург, ажурналист, ауаажәларратә усзуҩы Зарина Ҟаныҟәа.