2024 шықәса ажьырныҳәамза 1 инаркны Оҭаԥтәи Абрыскьыл иҳаԥы иаҭааит 200-ҩык инарзынаԥшуа ауаа.

Аԥыза-министр Алеқсандр Анқәаб аилацәажәара мҩаԥигеит Аԥыза-министр актәи ихаҭыԥуаҩ, аенергетикеи атранспорти рминистр Џьансыхә Нанба, Аԥыза-министр ихаҭыԥуаҩ, афинансқәа рминистр Владимир Делба, Аԥыза-министр ихаҭыԥуаҩ, аекономика аминистр Кристина Озган, Аиҳабыра Раппарат анапхгаҩы Давид Сангәлиа, Аԥыза-министр ицхырааҩ Дмитри Шамба алархәны.

Ауаҩы ихы азыгәдуреи итәылауаҩра аԥсахареи еизнарҳауеит амилаҭтә доуҳатә культура. Еиҵагыло абиԥарақәа инарҵауланы ирнырратәы идеилнаркаауеит шаҟа иҵаулоу рыжәлар рҭоурых адацқәа.
Аԥсуа жәлар рдоуҳатә культура ахәҭа хадақәа ируаку атеатртә ҟазара ашьаҭа кын, ишдыру еиԥш, сынтәа диижьҭеи 150 шықәсхыҵра азгәаҳҭо, ҳдоуҳа ауасхыршьҭаҵаҩ Дырмит Гәлиа иаԥшьгарала, иаҳхысыз ашәышықәса актәи ажәашықәсақәа раан.

Аԥсны Аԥыза-министр Алеқсандр Анқәаб дырԥылеит Аԥсуа Иашахаҵаратә Уахәама адинмаҵзуҩцәа – аиереи Виссарион, аиереи Долмат, аиеромонах Давид, – иаанацҳауеит Аминистрцәа Реилазаара апресс-маҵзура.
Аиԥылараҿы Аԥыза-министр адинмаҵзуҩцәа иреиҳәеит Аԥсуа Иашахаҵаратә Уахәама ахыбрақәа реиқәырхареи ирыгу-ирыбзоу аҟаҵареи рзы Аԥсны Аиҳабыра имҩаԥырго аусқәа.

Аԥсны Ахада Аслан Бжьаниа дырԥылеит анапхгаҩы Андреи Белианинов хадас дызмоу Евразиа ажәларқәа Рассамблеиа аделегациа, – иаанацҳауеит Ахада ипресс-маҵзура.
Бжьаниеи Белианинови Ашықәс ҿыц еидырныҳәалеит, ирзеиӷьибашьеит аҭынчра, ақьиара.

Ақьырсиантә ныҳәа дуқәа ируаку – Иаса Қьырса Иӡаахра Амшныҳәа иаԥхьанеиуа ахәылԥаз ажьырныҳәамза 18 иақәшәоит.
Ари ауха, ишаԥу еиԥш, ақьырсианца ачарыц иалху ацхеи ашәырҩеи зларҵо ачгьахьачыс хаа ҟарҵоит. Ари ачыс жәытә-натә аахыс аиҭаҿиара, аԥсҭазаара ахацыркра символра азнауан.

Аԥсны аҳәынҭқарратә дачақәа Русбарҭа аиҳабы Беслан Кәыҵниа аӡиа Риҵа аҟны иҟоу «Сталин идача» аукцион аҟынтәи ирҭиизшәа аинформациа аларҵәара инамаданы аҳәамҭа ҟаиҵеит.
Беслан Кәыҵниа атәылауаа ауаажәларра рыҩныҵҟа аибарххареи аҭагылазаашьа ашьақәҟьареи иашьҭоу џьоукы ирҳәо, ирыҩуа харҵаанӡа, уи аԥхьа ироуз адыррақәа аофициалтә хыҵхырҭақәа рҟны игәарҭаларц азы ааԥхьара ҟаиҵоит.

1992-1993 шықәсқәа ­рзтәи ҳџьынџьтәылатә еибашьра ишналагаз еиҧш, хатәгәаҧхарала иҳацхраарц иааз рфырхаҵара ҳажәлар ргәалашәараҿы наунагӡа иаанхоит. Аҧсни уи иқәынхоз ажәларқәеи ашәарҭара бааҧсы ҳанҭагылаз зхы-зыҧсы иамеигӡакәа, акаҵәарақәа ирхыҵны иҳавагылаз рхыҧхьаӡара наӡон хнызқьҩык рҟнынӡа, урҭ рахьтә 260-ҩык инареиҳаны ҳаҧсадгьыл ахақәиҭтәра рхы ақәырҵеит. Шьак еицалҵыз Нхыҵ-Кавказтәи ҳаешьаратә жәларқәа рхаҭарнакцәа рыдгылара, ргәашьамх арҵаруан, ргәамч ҩбанатәуан, аиааира инагӡаны агәра днаргон ҳҵеицәа.

Едуард Ажьиба иааигәаны дыздыруаз, иҿцәажәахьаз, ицныҟәахьаз насыҧ иман, рҳәоит иахьа уи дызгәалашәо. Дахьыҟазаалакгьы Едуард даара аҧсуара бзиа ибон, егьныҟәигон. Аҧсуара аҵакы иара изы акыр иҭбаан, иҵаулан, иҧсҭазаараҿы сара саҧсуоуп аҳәара мацарала акәмызт ишеиликаауаз. Аҧсадгьыл еиҧш, аҧхьа иргылон ахатәы бызшәа.

Аусурҭадара апроблема, аус зуа рыԥсҭазаара ахаҭабзиара аиӷьтәра, аҳәынҭқарреи абизнеси русеицура аԥеиԥш иалацәажәеит Ахада Аслан Бжьаниеи анападкылаҩцәа рхаҭарнакцәеи реиԥылараҿы.
Атәыла Ахада аиԥылара иалахәыз ҭабуп ҳәа реиҳәеит аекономика арҿиара иацхрааз, аҳәынҭқарратә биуџьет аҟаҵарбақәа акырӡа еиӷьызтәыз лыҵшәа-бзиала русуразы.