Аҿари аспорти русқәа рзы Аҳәынҭқарратә еилакы имҩаԥнагоит абжьыҭира асоциалтә ҳа Instagram аҟны – 2023 шықәсазы аспорт абзиабаҩцәа ргәаанагарала иреиӷьу аспортсмен иалкааразы.

Апремиа «Аԥыза қәыԥш» аҳәаақәа ирҭагӡаны, аныҳәатә анашьаратә церемониа мҩаԥысит Аҟәа, ԥхынҷкәынмза 25 рзы.

Аҳәынҭқарратә еилакы ишьа­қәнар­гылт иҷыдоу аноминациа, уи инақәыршәаны аспорт абзиабаҩцәа рыбжьыҭирала далырхуеит ашықәс аспортсмен.

Асиа шьақәгылан 2023 шықәса иалагӡаны иаадырԥшыз аихьӡарақәа рыла: Елҟан Гәазаа (атлетика хьанҭа), Инал Гәазаа (аӡиудо), Ерик Кәарҷиа (аԥқьаҭмпыл), Данил  Харчлаа (зхы иақәиҭу аиқәԥара), Асҭамыр Асланӡиа (амҵәышәмпыл), Лиудмила Бганба (анапылампыл), Амина Аншба (аԥкьаҭмпыл), Харитон Агрба (абокс), Џызбеи Аҩӡба (аҽыбӷаҟаза), Леон Сабуа (ашьапылампыл), Дмитри Гәазаа (автомо­билтә спорт).

Иалыркааз деилкаахоит афотосахьа аҵаҟа шаҟаҩы абжьы арҭаз ала.

Апрофессионалтә бокс азы Аԥсны еизгоу акоманда алахәыла,  ҳџьынџуаҩ, ААУ астудент Енвер Бзагәа апромоутертә еилазаара «ATILGAN PRODUCTION» еиҿнакааз апрофессионалтә бокс ахәылԥаз «ATILGAN FIGHT NIGHT X» аҿы Аԥсны ахьӡала дықәгылеит.

Иара ирантәи абоқсиор Саџьад Хабиб дииааит, – адырра ҟанаҵоит Аԥсны аҿари аспорти русқәа рзы Аҳәынҭқарратә еилакы апресс-маҵзура.

Аиндаҭлара ԥхынҷкәынмза 15 рзы Анкара ақалақь имҩаԥысит.

Ҭырқәтәыла инхо аԥсуа мҳаџьырқәа рхылҵышьҭра  Енвер Бзагәа раԥхьаӡа иҭоурыхтә ԥсадгьыл ахь дааит 2019 шықәсазы, Афон Ҿыц имҩаԥысуаз «Аԥсны Аҳәынҭқарра Ахраҿа» агаразы абоқсиортә турнир алахәхаразы.  Изныкымкәа иара дидикылахьан ААУ аректор, академик Алеко Гәарамиа. Ишдыру еиԥш, иаргьы ианиаамҭаз абокс ала иҽазыҟаиҵон, 20 шықәса инареиҳаны Аԥсны абокс Афедерациа напхгара аиҭон.

* * *

Абоқсиор Харитон Агрба атурнир «IBA  ачемпионцәа рыҵх» аҳәаақәа ирҭагӡаны Ҟазахсҭантәи аспортсмен,  адунеи ачемпион-2023, Азиа -2023 ачемпион  Дулат Бекбауов дииааит.  Атурнир мҩаԥысит ԥхынҷкәынмза 15 рзы Асҭана ақалақь аҿы.

Аиндаҭлара аа-раундк рыла ишьақә­гылан. Аӡбаҩцәа излақәырҵаз  ала 2:1 ҳәа Харитон Агрба ииааирала ихыркәшахеит.  

Харитон Агрба 13 иааира игахьеит, зныкгьы даҵамхаӡацт.

Апрокуратура хада, Аҳәынҭқарратә шәарҭадара амаҵзура, еиуеиԥшым аминистррақәа  рхы аладырхәуеит агәыҳалалратә фонд «Кьараз» есышықәса имҩаԥнаго  зҭаацәаратә ҭагылазаашьа уашәшәыроу, ахшара рацәа ахьааӡо аҩнаҭақәа рҟнытә ахәыҷқәа Аҵаа Бабаду изырҩыз асалам  шәҟәқәа рҟны ргәы ззыҳәо аҳамҭақәа рзыҟаҵара иазынархоу аусмҩаԥгатә.

Ҧхынҷкәынмза ахыркәшамҭаз Гагра ақалақь аҟны имҩаҧган аинтеллектуалтә хәмарра «Аҧеиҧш». 

Краснодар ақалақь аҟны имҩаԥысит ахәыҷқәа рҿыханҵатә ҭыхымҭақәа жәларбжьаратәи  рцәыргақәҵа «Ашықәс ҿыц ҳаиднакылоит» ҳәа хьӡыс измаз.

Ашықәс ҿыц аламҭалазы аԥсабара даҽа «ҳамҭак» ҳзаанагеит. Амшцәгьақәеи аԥшасрақәеи ирыхҟьаны аҵлақәа каҳаит Аҟәа, Турбазеи Синопи ҳәа иахьашьҭоу. Ҵлак аҳҭны-қалақь агәҭаны анхарҭа ҩны иақәҳаит. Арҭ аусқәа знапы иану апроблема аԥырырхуеит.

Ԥхынҷќәынмза 10 инаркны 23-нӡа Урыстәылазегьтәи ахәыҷтәы  центр «Смена» аҟны имҩаԥысит 2023 шықәса аҵыхәтәантәи арҵарақәа, уаҟа рхы аладырхәит Аԥснынтәи иара убас Урыстәыла  арегионқәа 33 рыҟнытә 500-ҩык инарзынаԥшуа аҿар.

Ашәҟәыҩҩы, адраматург, ауаажәларратә, аҳәынҭқарратә усзуҩы, Аҧсны зҽаҧсазтәыз артист, Аҧсни мшын нырцә иҟоу ҳџьынџьуааи зыхьӡ ибзиан ирдыруа рыгәқәагьы зладуу, Анзор Кәакәа-иҧа Мықәба Ашықәс ҿыц аламҭалаз аҧсуа ҿар рахь адныҳәалара ҟаиҵеит:

Аԥсны Аҭагылазаашьа ҷыдақәа рминистрра аусзуҩцәа агуманитартә еидара наргеит Урыстәыла арегион ҿыцқәа рахь.