Ноиабр 18 азы адәныҟатәи аусқәа Рминистрра ахада Инал Арӡынба диԥылеит Аԥсны Урыстәыла ацҳаражәҳәаҩ Михаил Шургалин, – иаанацҳауеит Аминистрра асаит.

Арӡынбеи Шургалини рылацәажәеит Аҧсни Урыстәылеи реизыҟазаашьақәа хра злоу рызҵаарақәа жәпакы, ахәҭакахьала иаармарианы Урыстәылатәи Афедерациа атәылауаҩра Аҧсны атәылауаа рыҭара. Ҩынтәны атәылауаҩра азҵаарақәа рырманшәаларазы Аиқәшаҳаҭра рнапы анаҵарҩы ашьҭахь, аганқәа ихацдыркит аратификациа. Аиқәшаҳаҭра амч аиуеит аратификациатә шәҟәқәа анеимырдауа арыцхә инаркны.

Ноиабр 16 азы Аҧсны Ахада Аслан Бжьаниа амчратә усбарҭақәа рнапхгаҩцәа алархәны аилацәажәара мҩаҧигеит. Уаҟа ирзааҭгылеит аенергетикатә усхк аҟны амалқәа реимҵәара аҭыҧ амоушәа асоциалтә ҳақәа рҟны ицәырҵыз адокументқәа, – иаанацҳауеит Аҧсны Ахада исаит.

Аԥсны Ахада Аслан Бжьаниа Аԥсны аҳәынҭқарратә шәарҭадара Амаҵзура Аҳәаахьчаратә гәыԥ еиҿыркааижьҭеи 30 шықәса аҵра аҳәаахьчаҩцәа ирыдиныҳәалеит.

Ноиабр 22 азы Аԥсны Ахада Аслан Бжьаниа аусуратә еилацәажәара мҩаԥигеит аҳәынҭққарраҿы аенергетикеи аинвестициатә усуреи рызҵаарақәа ирызкны, – иаанацҳауеит Аԥсны Ахада ипресс-маҵзура.

Аԥыза-министр ихаҭыԥуаҩ, аекономика аминистр Кристина Озган Урыстәылатәи Афедерациа аенергетика Аминистрраҿы имҩаԥылгаз аицъәажәарақәа рылҵшәа иалҳәеит. Урҭ мҩаԥысит иҳаҩсыз амчыбжь азы атәыла Ахада Аслан Бжьаниа инапынҵала.

15-18, 19-20 шықәса зхыҵуа ақәыҧшцәа рыҩнуҵҟа атлетика хьамҭазы Урыстәыла аицлабрақәа мҩаҧысуеит Тула ноиабр 11 инаркны 20 азынӡа, иаанацҳауеит аҿар русқәеи аспорти рзы Аҳәынҭеилакы апресс-маҵзура.

18.11.2022 ш., асааҭ 14 азы Аҧсны Аҳәынҭқарра Аконституциатә ӡбарҭа ақ. Аҟәа, Лакоба имҩа аҩны 111, 1-тәи аихагылаҿы аӡбаратә еилатәара мҩаҧнагоит. Уи азкуп Аҧсны Аҳәынҭқарра Аконституциа иаларгалараны иҟоу "Азакәанҧҵаратәи анагӡаратәи мчра" арҽеиразы Аҧсны Аҳәынҭқарра Аконституциатә закәан апроекти Аҧсны Аҳәынҭқарра Аконституциа ахы 7 адҵақәеи ахьынӡеиқәшәо аганахьала алкаа аҟаҵаразы Аҧсны Ахада иҟаиҵаз азыҳәара ахәаҧшра.

Аҧсны Аҧыза-министр Алеқсандр Анқәаб дидикылеит акомпозитор, ашәаҳәаҩ, Аҧсны Аҳәынҭқарреи Ареспублика Аахыҵ-Уаҧстәылеи зҽаҧсазтәыз рартист Алеқсандр Шоуа.

Аҧсны Ахада Аслан Бжьаниа аҩнуҵҟатәи аусқәа русбарҭақәа русзуҩцәеи рветеранцәеи ирыдиныҳәалеит амилициа Амш.

Аҧсны Аҳәынҭқарра Ахада Аслан Бжьаниа 2,5 шықәса рыҩнуҵҟа имҩаҧгоу аусуразы аҳасабрба ҟаиҵеит

Аҟәа, Москватәи акультура-устә центр «Москва Аҩны» Очамчыра араион ашколқәа асахьаркыратә литература ашәҟәқәа 500 инареиҳаны ҳамҭас ирнаҭеит. Ари алыршахеит Москва Аиҳабыра иҟарҵаз афинанстә цхыраарала.