Иҳаҩсхьоу аҭыжьымҭақәа рҟны ишазгәаҳҭахьоу еиԥш ҳбызшәа аиқәырхареи аихаҳареи жәашықәсала зылшара аду ҳҵарауаа русумҭақәа рахьтә еиҳа азҿлымҳара ззыжәуп ҳәа ҳгәы иззаанаго ркьыԥхьра иацаҳҵоит.

Аԥхынра, 2024 шықәсазы Шәачантәи Аԥсныҟа аныҟәара иалагоит ҩ-фымцадәыӷбак «Ласточка». Арҭ адәыӷбақәа рныҟәара аграфик иаларгалеит, уи аусура иалагоит ҳазҭоу ашықәс ԥхынҷкәынмза 10 рзы, ҳәа Нхыҵ-Кавказтәи Аихамҩа апресс-маҵзура аҟнытә адырра ҟанаҵоит «Вести Сочи».

Арра ирго Аԥсны Арбџьармчқәа рштаб Хада ашҭаҿы аҭоуба шьҭарҵеит, ҳәа адырра ҟанаҵоит атәылахьчара Аминистрра ап­ресс-маҵзура.