Традициала ишьышьақәгылахьоу еиԥш, аҭоуба ашьҭаҵара рхы аладырхәит заԥхьаҟа зыԥсадгьыл ахьчаразы игыло арԥарцәа рыуацәеи, рҭынхацәеи, рҭаацәеи.  

Аруаа ирыдныҳәалеит, ирықәныҳәеит атәылахьчара Аминистрра анапхгараҭара ахаҭарнакцәа.   

Атәылахьчара Аминистрра аҽазыҟаҵаратә центр аҿы заԥхьаҟа зыԥсадгьыл ахьчаразы игыло аибашьҩы қәыԥш икурс иахысит. Уи иалагалоуп ацәаҳәақәгыларатә, абаҩрҵәыратә, ахысратә ҽазыҟаҵарақәа, иара убас арратә ԥҟаԥҵәа ахысра.

 Аҭоуба ашьҭаҵара ашьҭахь, аруаа анаҩстәи рырратә уалԥшьа анагӡаразы доусы иахьаҵанакуа атәылахьчара Аминистрра архәҭақәеи арратә ҟәшақәеи рахь идәықәҵан.