Ԥхынҷкәынмза 12 рзы атәыла аҩнуҵҟатәи аусқәа Рминистрра апаспорттә Усбарҭаҿы апринтер-ҷыдақәа агәаҭаратә усурақәа ианрыхрыжь ашьҭахь ахархәарахь ирыҭан. Абри азы адырра ҟанаҵоит Аԥсны аҩнуҵҟатәи аусқәа Рминистрра аофициалтә саит.

Ахәыҷы изинқәа рыхьчара иадҳәалоу актуалра злоу азҵаарақәа рылацәажәара иазкын ԥхынҷкәынмза 13 рзы Жәлар Реизара-Апарламент аҿы имҩаԥысыз Апарламент Аиҳабы Лаша Ашәбеи ахәыҷы изинқәа рыхьчара знапы иану Мактина Џьынџьалԥҳаи реиԥылара.

Аҳәынҭқарра Ахада Башар Асад Шьамтәыла усуратә визитла иҟоу Аԥсны адәныҟатәи аусқәа рминистр Инал Арӡынба дидикылеит. Аиԥылара Дамаск иҟоу ахан «Аль-Мухаџьирин» аҟны имҩаԥысит, – адырра ҟанаҵоит Аԥсны адәныҟатәи аусқәа Рминистрра Амедиацентр.