Шықәсык аҩнуҵҟа имҩаҧысуаз аргыларатә усурақәа ирылҵшәаны, Очамчыра араион Ҧақәашь ақыҭан иаадыртыз ашьапылампыласырҭа маҷ ақыҭа ауааҧсыра рзы ашықәс ҿыц аныҳәа иаанагаз аҳамҭа иаҩызахеит.

Ааигәа апоет, апрозаик, адраматург Валери Касланӡиа 80 шықәса ихыҵит. Валери Платон-иҧа Касланӡиа диит (23.11.1943) Очамчыра араион Кәтол ақыҭан. Аҧсны акультура зҽаҧсазтәыз аусзуҩы ианашьоуп Т. Шь. Аџьба ихьӡ зху аҳәынҭқарратә премиа. Аҧсны ашәҟәыҩҩцәа Реидгыла далоуп.

Ааигәа Аԥсны Аҳәынҭқарратә филармониаҟны имҩаԥган «Аҟыбаҩ злоу Еҵәаџьаа» захьӡыз агала-концерт, уи маԥысуеижьҭеи ҩышықәса ҵуеит. Ахәылԥаз иалахәын ашықәс иалагӡаны имҩаԥысуаз афестивальқәеи аицлабрақәеи рҿы еиӷьны зхы аазырԥшыз.