Ишдыру еиҧш, сынтәа Аҧсны Аџьынџьтәылатә еибашьраан ҳажәлар иргаз Аиааира 30 шықәса ахыҵуеит. Лассы-лассы ҳҩымҭақәа акьыҧхь ианаҳҵоит Аҧсны ахақәиҭра азаазгаз афырхацәа ирызкны. Урҭ наунагӡа хашҭра рықәым Аҧсни аҧсуа жәлари ыҟанаҵ.

С.Дбар ихьӡ зху Аҧсны жәлар Рџьынџьтәылатә еибашьра Аҳәынҭқарратә музеи «Агәалашәаратә» уадаҿы, нанҳәа 14, 1992 ш. инаркны, цәыббра 30, 1993 шықәсанӡа, Аҧсны зхы ақәызҵаз 1970-ҩык кыдуп.

Аԥсны азхиоуп аӷба Astoria Grande адкылара, аурыс туристцәа иԥхаӡа рԥылара. ТАСС абри атәы аанацҳауеит Аԥсны Ахада Аслан Бжьаниа иажәақәа ааганы.

Август 3 азы Аԥсны жәлар Рџьынџьтәылатә еибашьраҿы Аиааира 30 шықәса ахыҵра аҽазыҟаҵаразы, Аԥсны ахьыԥшымра 15 шықәса ахыҵра азгәаҭаразы Аԥсны Ахада ихаҭыԥуаҩ Бадра Гәынба аусуратә еилацәажәара мҩаԥигеит Раԥхьатәи Ахада Владислав Арӡынба Имемориал ишақәнагоу аиҿкаара иазкны. Абри атәы аанацҳауеит Аԥсны Ахада иофициалтә саит.

Август 4 азы Аԥсны Ахада Аслан Бжьаниа дидикылеит Урыстәыла Афырхаҵа, аԥырҩы-акосмонавт Олег Артемиев.