Аԥсныпресс. Аԥсабаратә рыцҳара иахҟьаны иҟалаз аилкааразы акомиссиа Гагра араион аҿы аусура иалагеит. Арзаҳалқәа рыдкылара мҩаԥыслоит ааха зауз ахьынхо аҭыԥқәа ирыҵанакуа араионтә, ақыҭатә, аҳаблатә хадарақәа рҿы, ҳәа иаанацҳауеит Гагра араион Ахадара аофициалтә саит.

Аԥсныпресс. Аҳәынҭқарра Ахада Аслан Бжьаниа ақәаршаҩы иахҟьаны ааха ӷәӷәа зауз ақыҭақәа Алаҳаӡы, Лӡаа, Аԥсыӡзауад араион, Бзыԥҭа аҳаблаҿы аиҭашьақәыргыларатә усурақәа шымҩаԥысуа гәеиҭеит.

Аԥсныпресс. Аԥсны Аҳәынҭқарра Ахада Аслан Бжьаниа ԥхынгәымза 8 ауха инаркны ԥхынгәымза 9-нӡа иҟалаз аԥсабаратә рыцҳара ахҟьа-ԥҟьақәа раԥыхра азҵаарақәа ирызкны Гагра араион Ахадараҿы аилацәажәара мҩаԥигоит.

Аԥсныпресс. Ашьыжь, ԥхынгәымза 11 рзы Аԥсны Ахада Ас­лан Бжьаниа атәыла араионқәа рҟны иҟалаз аӡхыҵра иннажьыз аԥхасҭа аҭыԥ ақәҵара иазкны изаамҭанытәим аилацәажәара мҩаԥигеит.

Абаҩхатәра ссир злоу, х-ҩык арҧарцәа еидызкыло агәыҧ «Анатрио» шьақәгылеижьҭеи рацәак ҵуам. Аха ари агәыҧ иалоу арҧарцәа: Алхас Ферзба, Нугзар Какалиа, Алиас Абыхәба бжьеинаалала еицынарыгӡо ашәақәа аамҭа кьаҿк иалагӡаны иргәылархалеит, гәыблыла ирыдыркылеит ҳауаажәлар. Шамахамзар агәыҧ «Анатрио» алахәылацәа рынагӡашьа ихнамхыз, згәаҵаҿ имнеиз дыҟам.