Иапониатәи аоператә шәаҳәаҩы Масаши Тсуӡи (Masashi Tsuji) Иапониа аконцерт аҟны аҧсуа гарашәа «Шьышь-нани» наигӡеит. Аҧсышәала ашәа атекст аҵараҿы дицхрааит Германиа иҟоу Аҧсны адәныҟатәи аусқәа Рминистрра ахаҭарнак Хьыбла Амҷба. «Ари ашәа Иапониатәи азыӡырҩцәа аршанхеит», – абас сзиҩит Масаши… Уи Берлин сиҧшааит Англиатәи апрофессор-кавказҭҵааҩ, акыр иаҳзаҧсоу Џьорџь Хиуитт ибзоурала. Масаши аҳәара ҟаиҵон Германиа ашәа аҧсуа текст аҵараҿы ацхыраара изҭаша аӡәы иҧшаара.

Анарха змоу жәларуп арҿиаҩцәа, аҟазацәа дуқәа злиааз ажәлар. Уи аганахьала ҳарҭ аҧсуаа иҳамоуп гәадурала ҳазхыҽхәаша ашәҟәыҩҩцәа, асахьаҭыхҩцәа. Бла иабо, хы иаҧсоуп ҳәа шырҳәо еиҧш, лассы-лассы рырҿиара ҳагәылархалоит, ҳаблақәа дыргачамкуеит ҳсахьаҭыхҩцәа раҧҵамҭақәа.

Аҟәа, асахьаҭыхҩцәа Рцәыргақәҵатә зал аҿы еиҿкаауп «Аҟәа – еснагь иҳацу аныҳәа» зыхьӡу ацәыргақәҵа. Уи еиҿылкааит аҟазара аҧсы ахьҭоу здыруа, арҿиара знапы алаку аҿар – агьама ҳаракы рылазааӡо, Ельвира Арсалиа.

Ааигәа имҩаҧысыз Аҧсны Аминистрцәа Реилазаараҿы ақәҵара рыдыркылеит "Мызктәи ауалафахәы еиҵаӡоу ашәага-зага ашьақәыргыларазы". Ақәҵара апроект налгеит Аҧыза-министр ихаҭыҧуаҩ, аекономика аминистр Кристина Озган. Мызктәи ауалафахәы еиҵаӡоу ашәага-зага шьақәыргылоуп 10 000 мааҭ рыла. Ақәҵара абри апункт иаҵанакӡом аҳәынҭқарратә мчра аусбарҭақәа, аҳәынҭқарратә напхгара аусбарҭақәа, аҳәынҭқарратә усбарҭақәа, абиуџьеттә усҳәарҭақәа, аиҿкаарақәа, Аҧсны абиуџьеттә система абиуџьетқәа рмалқәа рыла ҧарала еиқәдыршәауа.

Асоциалтә еиқәыршәареи адемографиатә политикеи Рминистрреи афинансқәа Рминистрреи 2024 шықәса ианвар 1 азынӡа иаздырхиароуп, Аминистрцәа Реилазаара ахәаҧшразы инаргарц ауп хыхь еиқәыҧхьаӡоу аусбарҭақәа руалафахәы ашьҭыхразы иаҭаху ахарџьқәа рхыҵхырҭақәа. Ақәҵара амч аиуеит 2023 ш. ианвар 1 инаркны.

Аҧсны агәабзиарахьчара аминистр Едуард Быҭәба дырҧылеит Башкортосҭан аҟнытәи аҳақьымцәа – Ареспубликатәи ахәыҷтәы клиникатә хәышәтәырҭа анестезиологиеи ареанимациеи рыҟәша аиҳабы Русҭам Богданови Ареспубликатә клиникатә инфекциатә хәышәтәырҭа апедиатр-инфекционист Никита Трафимови. Аиҧылара далахәын иара убас Аҟәатәи аинфекциатә хәышәтәырҭа аҳақьым хада Асҭамыр Гәыниа.

Аҧсны Ахада Аслан Бжьаниа Урыстәылатәи Афедерациа Апрезидент Иусбарҭа анапхгаҩы актәи ихаҭыҧуаҩ Сергеи Кириенко ииубилеи идиныҳәалеит.

Ииуль 14 азы Урыстәылатәи Афедерациа Апрезидент Москвамҵантәи ирезиденциа "Горки – 9" аҟны имҩаҧысит Аҧсны Ахада Аслан Бжьаниеи Урыстәылатәи Афедерациа Ашәарҭадара Ахеилак ахантәаҩы ихаҭыҧуаҩ Дмитри Медведеви реиҧылара. Бжьаниеи Медведеви инҭкааны ирылацәажәеит еиуеиҧшым аусхкқәа рганахьала ҩ-ганктәи аусеицура азҵаарақәа, – иаанацҳауеит Аҧсны Ахада ипресс-маҵзура.