Аџьынџьтәылатәи аибашьра Ду ҳҭоурых адаҟьақәа рҟны иҷыдоу аҭыҧ аннакылоит. Зхәышҭаарақәа ныжьны зыҧсадгьыл аҿаҧхьа зуалҧшьақәа назыгӡоз асолдатцәа рахьтә анцәа имчала зыҧсы ҭаны ихынҳәқәаз рацәоуп, аха иҟоуп зымаха-зышьаха еибгамкәа иааз, убас хабарда ибжьаӡыз, ишьыз. Иахьа зыӡбахә шәзеиҭасҳәо Дәрыҧшьтәи аибашьҩы Уаҳаид Чуаз иҩныҟа дхынҳәит, аха араҟа изыҧшын аибашьра иахылҿиааз ажәабжь хьанҭақәа.

Ҳашәхымсгьы – ҳара иаҳтәуп

Ацқьара – зегьы ирыцкуп

Жәытә-натә аахыс, аҧсуа жәлар ртрадициа иалан рыҩны аҩнуҵҟа еилдыргаанӡа, шарҧазы ишыҩагылалак еиҧш, анаҧшҩы иибаша, амҩасҩы илаҧш зықәшәаша ашҭа, уи анҭыҵ, аҩны ааҵра аҧссара, арыцқьара…

С.И. Ҷанба ихьӡ зху Аҧсуа ҳәынҭқарратә драматә театр аҟны имҩаҧысыз акомпозитор, адирижер, Аҧсны жәлар рартист Нодар Ҷанба иаҧҵамҭа «Аҧсуа реквием» нанагӡеит Аҧснытәи аҳәынҭқарратә хортә капелла.

Август 4 азы Аҧсны Ахада Аслан Бжьаниа дырҧылеит Аҟәа ақалақь актив. Уи иалахәын атәыла Ахада ихаҭыҧуаҩ Бадра Гәынба, Аҧыза-министр Алеқсандр Анқәаб, Ахада Иусбарҭа анапхгаҩы Алхас Кәыҵниа, Аҧыза-министр актәи ихаҭыҧуаҩ, ақыҭа нхамҩа аминистр Беслан Џьопуа, Ашәарҭадара Ахеилак амаӡаныҟәгаҩ Сергеи Шамба, Жәлар Реизара адепутатцәа.

Аҟәа ақалақь Ахадара аиҳабы Беслан Ешба 2022 шықәса актәи ашықәсбжазтәи русуразы аҳасабрба ҟаиҵеит. Абас еиҧш иҟоу аиҧыларақәа Аҧсны араионқәа зегьы рҟны имҩаҧысхьеит, Гал араион аалхны.

Аахыҵ-Уаҧстәыла ацҳаражәҳәарҭаҿы

Ашәахьа, август 8 азы Аҧсны иҟоу Аахыҵ-Уаҧстәыла ацҳаражәҳәарҭаҿы иргәаладыршәеит 2008 шықәса август азы Қырҭтәыла иҟанаҵаз ақәылара аан иҭахаз. Убарҭ ахҭысқәа игәаларшәауа, Аҧсны иҟоу Аахыҵ-Уаҧстәыла ацҳаражәҳәаҩ Олег Боциев ҷыдала иаҵишьит хьыӡҳәала Урыстәылатәи Афедерациа иҟанаҵаз ацхыраара иабзоураны Аахыҵ-Уаҧстәыла ажәлар ишрылшаз ақәылаҩ ҕәҕәала иҿагылара, иҧхьацара. «Традицианы иҟалахьеит, есышықәса август 8 азы ацҳаражәҳәарҭаҿ ҳаизоит, Аахыҵ-Уаҧстәыла ахақәиҭреи ахьыҧшымреи зхы рықәызҵаз ҳгәалаҳаршәаларц азы. 14 шықәса ҵит, 2008 шықәса август 8 ауха Михаил Саакашвили инапхгарала Қырҭтәыла афашисттә режим анҳақәлаз аахыс», – иҳәеит Боциев.

Аҧсны Ахада апресс-конференциа иалахәыз бзиала шәаабеит ҳәа раҳәо, иазгәеиҭеит дшазхиоу ажурналистцәа рызҵаарақәа рҭак аҟаҵара. Аҧхьатәи азҵаара азкын иаҳхысыз амзазы Аҧсны Ахада еиуеиҧшым араионқәа рҟны имҩаҧигаз аиҧыларақәа хықәкыс ирымаз. Аслан Бжьаниа дазааҭгылеит фымз шыҵхьоу ашықәс ҳҭоижьҭеи, уи аамҭа иалагӡаны Аҧсны араионқәа рҟны инагӡоу аусқәа еиликаарц, аихьӡарақәа ыҟазар ирылацәажәарц шиҭахыз. Иара иазгәеиҭеит иӡбам апроблемақәа шырацәоу, убарҭ аҧхьаҟа рыӡбаразы иҟаҵатәу ишалацәажәоз. Ас еиҧш иҟоу аизарақәа хәарҭара рылоуп, избанзар араион ахада идагьы ауаажәларра аҭагылазаашьа рымоуп ргәы иҵхо апроблемақәа цәырганы аҳәара. Аҧсны Ахада иазгәеиҭеит иара изы ишхадоу ауаа рацәажәара, ргәаанагара идкылара, рҭак аҟаҵара. Иара иҳәеит ус еиҧш иҟоу аиҧыларақәа шықәсык ахьтә ҩынтә ишымҩаҧигало, ашықәс азбжази уи анҵәамҭази.