2024 шықәса, маи 21 рзы Аҟәа ақалақь аҟны имҩаԥган Кавказтәи аибашьра иалаӡКавказтәи аибашьра иалаӡыз ргәалашәара амш. Ари амш аҽны иҵит 160 шықәса Аурыс-Кавказтә еибашьра еилгеижьҭеи. Азежәтәи ашәышықәсақәа рзы зықьҩыла аԥсуаа Рыԥсадгьыл аанрыжьыр акәхеит.

Абарҭ аамҭақәа ирҿыҵахәхаз ргәалашәаразы маи 21 аҽны, ахәылбыҽха аусмҩаԥгатәқәа ирылагеит. Аҿар аԥсуа, адыга бираҟқәа, афакелқәа рыманы Аԥсны Аҳәынҭқарра аҩбатәи ахада Сергеи Багаԥшь иашҭа аҟынтәи рҿынархеит аԥшаҳәа аҟны иҟоу Амҳаџьырқәа Рбаҟа  ашҟа. 

Амҳаџьырқәа ргәалашәара амш азы абаҟа амҵан ашәҭқәа шьҭарҵарц азы уахь инеит Аԥсны Аҳәынҭқарра Ахада Аслан Бжьаниа, Ахада ихаҭыԥуаҩ Бадра Гәынба, Аԥыза-министр Алеқсандр Анқәаб, Аԥсны Жлар Реизара Аиҳабы Лаша Ашәба, Аҳәынҭқарра Ахада Иусбарҭа анапхгаҩы Абесалом Кәарҷиа, Жәлар Реизара адепутатцәа ҳџьынџьуаа рхаҭарнакцәа, астудентцәа, ашколхәыҷқәа.

Кавказтәи аибашьра иалаӡыз ргәалашәара амш азы традициак аҳасабала имҩаԥырго агәаларшәаратә цәашьы «Ашьамаҟа» амца аркын. Аусмҩаԥгатәқәа хыркәшан амшын ашәҭ шьыҵәрақәа рыхҵарала.

Иахьа Аԥсны араионқәеи ақалақьқәеи рышколқәа рҟны, ахәыҷқәа згәы хыҭ-хыҭуа иззыԥшыз игеит аҵыхәтәантәи аҵәҵәабжьы.

Аԥсны аҵара Аминистрра ауаажәларра аҽрымадаразы аҟәша аиҳабы Аслан Қәҭелиа иажәақәа рыла, сынтәа Аԥсны  иҟоу 153 школ ирылгоит 1900-ҩык аушьҭымҭацәа. Урҭ рахьтә 12-ҩык аушьҭымҭацәа амедалқәа риуразы рыӡбахә ҳәоуп.

Зынӡаск Аҟәа ақалақь аҟны 16 школ ыҟоуп. Уахь иаҵанакуеит ҽынлатәи, латәаралатәи – латәарадатәи ашколқәа.

Иазгәаҭатәуп,   ажәбатәи ажәеизатәи аклассқәа рҟны аԥышәарақәа шымҩаԥгахо маи 30 инаркны ииун  20-нӡа.  

Иахьатәи аамҭаз аԥсуаа рыбзараҿы рхы иадмырхәо ируакуп ауардын. Уи ҟазҵо иԥшаара шыуадаҩхоз здыруан, аха схәыҷра ашықәсқәа раан саб иашьа ауардын ацәқәа аҵакны, ҳақәыртәаны амхы аҭагалара ҳанигоз аасгәалашәацыԥхьаӡа, еиҳагьы сҽазҵәылхны уи сашьҭалон.

«Ауаҩы ажәытәра дшазыҟоу еиԥш ауп икультурагьы шаҳараку», – иҩуан А.С.Пушкин. Ажәлари аҳәынҭқарреи ажәытәра ишазыҟоу, рфырхацәа ахьынӡаҳараркуа ала иубоит иахьынӡаҵаулоу, рԥеиԥш зеиԥшхараны иҟоу.

Лаҵарамза 8 рзы Аԥсны Афырхаҵа, аинрал-леитенант Владимир Аршба иԥсы ҭазҭгьы 65 шықәса ихыҵуан.
«Аԥсны жәлар рзы, Арбџьар Мчқәа рыруаа рзы ари гәалашәаратә рыцхәуп.

Иналукааша аҧсуа актиор, арежиссиор, ашәҟәыҩҩы, адраматург Шәарах Ԥачалиа диижьҭеи 110 ш. ҵит.
Шәарах Абзагә-иҧа Ԥачалиа диит (20.05.1914) иахьатәи Гәдоуҭа араион Аацы ақыҭан (иԥсҭазаара далҵит – 2000 ш. ноиабр азы).

Маи 17 рзы акультуратә платформа "Гәыма" аҟны имҩаԥысит абугенвелиақәа рфестиваль.
Абугенвелиа ари шәҭы хкуп,ааԥын инаркны аӡынынӡа ишәҭуеит. Иара аҳҭны қалақь аҟны ана-ара иуԥылоит аҩнқәа рзааигәара.
Абар уажәшьҭа фы-шықәса ҵуеит Ольга Пракопова ашәҭ ааӡара лнапы алакуижьҭеи, уи ааӡараҿы длыцхраауеит лыԥшәма. Лара азҿлымҳара алҭоит еиҳараӡак ауадаҿ ирааӡо ашәҭқәа, лымкаала абугенвелиақәа дрызнеиуеит.
Ԥшшәы рацәала зыԥшӡара ухнахуа абугенвелиақәа рыбла хыркуан аҭааҩцәа. Ааӡаҩ Ольга лажәақәа рыла,ари раԥхьаӡатәи фестивальуп, абугенвелиақәа ирызкны. Афестиваль мҩаҧысуеит хымш. Актәи амш аартреи ахәаахәҭреи ирызкуп, аҩбатәи амш, абугенвелиақәа шааӡалатәу,аус шрыдулатәу азы асааҭқәа мҩаԥыргоит, ахԥатәи амш ахәаахәҭра,анаҩс ихыркәшахоит.

Маи 17 рзы Аԥсны Аҳәынҭқарра Ахада Иусбарҭа аҟны имҩаԥысит Аԥсны Ахада Аслан Бжьаниа Иусԥҟала «Ахьӡ-Аԥша»   аорден I, II,  III- аҩаӡарақәа занаишьахьаз рнапаҿы рыҭара. Урҭ зынӡа  60-ҩык инареиҳауп. Иалкаахаз иреиуоуп  аҵарауаа,  арҵаҩцәа, аҳақьымцәа уҳәа еиуеиԥшым азанааҭқәа змоу.

Маи 16 рзы Аҟәа акультуратә платформа"Гәыма" аҿы имҩаԥысит зықәра намӡац ахәыҷқәа рзинқәа рыхьчара зҭакԥхықәу Мактина Џьынџьал-ԥҳаи 18 шықәсанӡа зықәра намӡац ахәыҷқәеи реиԥылара.
М. Џьынџьал-ԥҳа ахәыҷқәа рзинқәа рыхьчаразы ажәахә аԥхьара далагаанӡа, аинтеллектуалтә ҟазшьа аҭаны ахәыҷқәа дразҵаауан,дара аинтерес рыманы аҭак ҟарҵон. Еиҳараӡак ахшыҩзышьҭра аман ахәыҷқәа иарбанзаалак ахҭыс ишазнеиуа,ишазхәыцуа. Убри аамҭазы рхы шымҩаԥыргаша атәы ралҳәон.
Ас еиԥш иҟоу аиԥылара еиҿнакааит "Арт-дизаин арезиденциа "Гәыма" ахаҭарнакцәеи Аԥсны аҳәынҭқарра аҿари аспорти ркомитет. ‎