Ақалақь архитектор хада Беслан Багаҭелиа апрокуратура аусзуҩцәеи аҳҭнықалақь аҳаблақәа рыҩнусбарҭақәа рнапхгаҩцәеи  ицны изакәанымкәа иргылоу ахыбрақәа раарԥшразы планла иазԥхьагәаҭоу  аусмҩаԥгатәқәа наигӡоит.

Аԥсны аделегациа Красноиарск имҩаԥысуа III Урыстәылатәи асасдкылара афорум аусура ахы аланархәит. Асасцәа бзиала шәаабеит ҳәа реиҳәеит Красноиарсктәи атәылаҿацә агубернатор актәи ихаҭыԥуаҩ Сергеи Пономаренко.

Ҟарачы-Черқьестәи Ареспублика Жәлар Реизара (Апарламент) Аиҳабы Алеқсандр Иванов иааԥхьарала Ареспублика Аԥсны Жәлар Реизара-Апарламент Аиҳабы Лаша Ашәба зхадараҿы дыҟоу апарламент аделегациа Архыз имҩаԥысыз Нхыҵ-Кавказтәи Апарламенттә Ассоциациа XII аконференциа ахы аланархәуит.

Ақалақь-фырхаҵа Гәдоуҭа агәаны игылоуп ахаҳә ҩны ԥшӡа. Ашҭаҿы ҭынчроуп. Араҟа Гәынба Шьалуа Шьыгә-иԥеи Аҩӡба Аллеи рхы иақәгәырӷьо рыҩны иҩнан. Урҭ ҩыџьа ахшара рыман: Османи Есмеи.
Гәынба Шьалуа иҩнаҭаҿы еснагь аҳра ауан аԥсуара.

Аԥсуа жәлар рқьабзқәа, рҵасқәа, аижәлантәқәа рҭоурых аҭҵаара, аӡыргара иазкуп ааигәа иҭыҵыз ашәҟәқәа: «Аԥсуаа рчараура.

Аекологиазы Аҳәынҭқарратә Еилакы ахантәаҩы Савели Ҷыҭанаа изныкымкәа дрылацәажәахьеит аҵыхәтәантәи жәашықәса рыҩнуҵҟа иҵарны иқәгылоу аекологиа иазку азҵаарақәа жәпакы, урҭ рхыԥхьаӡараҿы иҟоуп апальмақәа рҭагылазаашьа, ахьатә бнақәа реиқәырхара, ашыц аҭагылазаашьа, амармалташьтә бты аиааиразы иҟаҵатәу.

Ари аамҭазы ашколхәыҷқәа рзы азҿлымҳара змоу хҭысны иҟоуп аԥсуа поет Баграт Шьынқәба иқыҭа гәакьа Ҷлоу иҟоу иҩны-амузеи аҭаара.

«Аԥсуа шәҟәыҩҩцәа рыҩны» – ҳәа изышьҭаз, еиуеиԥшымыз аамҭақәа рзы, аԥсуа шәҟәыҩҩцәа аӡәырҩы: Иван Папасқьыр, Алықьса Џьонуа, Алықьса Лашәриа, Шалуа Ҵәыџьба, Кәымф Ломиа, Нелли Ҭар-ԥҳа уҳәа ахьынхоз, инеиԥынкыланы акыр шықәсқәа ирҭагӡаны урҭ шынхоз зырҵабыргуа амемориалтә ӷәқәа ахькыдыз иаартхеит даҽа мемориалтә ӷәык.

«Ҳтәылазы ари акрызҵазкуа проектуп. Еилкаауп, ҳазҭагылоу аамҭазы аҳәынҭқарра аҩныҵҟа аҭышәынтәалараҿы еиԥш, ҳтәыла аҳәаанырцә аӡыргараҿгьы ихадоу ахырхарҭақәа ишреиуоу аинформациа.