Аҧыза-министр Алеқсандр Анқәаб имҩаҧигаз аусуратә еилацәажәараҿы дазыӡырҩит Аҧсны асоциал-економикатә рҿиара ацхраара иазку Аинвестициатә программа инақәыршәаны иазгәаҭоу усмҩаҧгатәқәак ирынагӡашьоу азы аҳасабрба, – иаанацҳауеит Аҧсны Аминистрцәа Реилазаара асаит.

Август 19 азы Шәача ақалақьтә еизара азал аҟны имҩаҧысит азакәанҧҵараҿы аусеицуразы, азакәанқәа реизааигәатәразы, акоммуникациақәа рырҿиареи рырмариареи рзы Урыстәылеи Аҧсни Рпарламентбжьаратә усуратә гәыҧ аилатәара, – иаанацҳауеит Аҧсны адәныҟатәи аусқәа Рминистрра Амедиацентр.

Аҧыза-министр ихаҭыҧуаҩ, афинансқәа рминистр Владимир Делба ашәахтәқәеи аизгарақәеи Рминистрра аколлектив дыдирдырит август 19 азы Аҧсны Ахада Иусҧҟала абри амаҵура иахаргылоу аминистр ҿыц Михаил Габелиа.

Гагра ақалақь аҟны ақыҭанхамҩатә дгьылҵакырақәа рырҿиаразы ПРООН еицырзеиҧшу апрограмма инақәыршәаны имҩаҧысит Аҧсны иаадрыхуа, иагьҭрыжьуа аалыҵқәа рқыҭанхамҩатә џьармыкьа. Уи аҧсуа фермерцәа алшара рнаҭоит раалыҵ ацәыргаразы, аҭиразы, Аҧсны ауааҧсыреи асасцәеи ракәзар, ақыҭанхамҩатә аалыҵқәа раахәара, аинтерес роур, ҳаҧхьаҟагьы аусеицуразы аарыхыҩцәа рҟны ишиашоу аимадарақәа рышьақәыргыларазы.

Аҧсни, Венесуелеи, Аахыҵ-Уаҧстәылеи, Мали, Камеруни, Камбоџьеи, Киргизиеи рҟнытә аррамаҵзуҩцәа раҧхьаӡа акәны иалахәуп «Арра-медицинатә естафета» аконкурс. Уи аатит Киров ихьӡ зху Арра-медицинатә академиа ашьаҭала Ленинградтәи аобласт Красное Село аҟны, – иаанацҳауеит Аҧсны атәылахьчара аминистрра асаит.

Август 4 азы Аҧсны Ахада Аслан Бжьаниа дырҧылеит Аҟәа ақалақь актив. Уи иалахәын атәыла Ахада ихаҭыҧуаҩ Бадра Гәынба, Аҧыза-министр Алеқсандр Анқәаб, Ахада Иусбарҭа анапхгаҩы Алхас Кәыҵниа, Аҧыза-министр актәи ихаҭыҧуаҩ, ақыҭа нхамҩа аминистр Беслан Џьопуа, Ашәарҭадара Ахеилак амаӡаныҟәгаҩ Сергеи Шамба, Жәлар Реизара адепутатцәа.

Аҟәа ақалақь Ахадара аиҳабы Беслан Ешба 2022 шықәса актәи ашықәсбжазтәи русуразы аҳасабрба ҟаиҵеит. Абас еиҧш иҟоу аиҧыларақәа Аҧсны араионқәа зегьы рҟны имҩаҧысхьеит, Гал араион аалхны.

Аахыҵ-Уаҧстәыла ацҳаражәҳәарҭаҿы

Ашәахьа, август 8 азы Аҧсны иҟоу Аахыҵ-Уаҧстәыла ацҳаражәҳәарҭаҿы иргәаладыршәеит 2008 шықәса август азы Қырҭтәыла иҟанаҵаз ақәылара аан иҭахаз. Убарҭ ахҭысқәа игәаларшәауа, Аҧсны иҟоу Аахыҵ-Уаҧстәыла ацҳаражәҳәаҩ Олег Боциев ҷыдала иаҵишьит хьыӡҳәала Урыстәылатәи Афедерациа иҟанаҵаз ацхыраара иабзоураны Аахыҵ-Уаҧстәыла ажәлар ишрылшаз ақәылаҩ ҕәҕәала иҿагылара, иҧхьацара. «Традицианы иҟалахьеит, есышықәса август 8 азы ацҳаражәҳәарҭаҿ ҳаизоит, Аахыҵ-Уаҧстәыла ахақәиҭреи ахьыҧшымреи зхы рықәызҵаз ҳгәалаҳаршәаларц азы. 14 шықәса ҵит, 2008 шықәса август 8 ауха Михаил Саакашвили инапхгарала Қырҭтәыла афашисттә режим анҳақәлаз аахыс», – иҳәеит Боциев.

Ахәылҧаз, август 3 азы Аҟәа агәаны, Аидгылара амҩаҿы иҟоу абаҳчеибаркыраҿы гәырҕьарала иаартын Аҧсны иналукааша апартиатә, аҳәынҭқарратә усзуҩы, Аҧснытәи обком актәи амаӡаныҟәгаҩ, Аҧсны Иреиҳаӡоу Асовет Апрезидиум Ахантәаҩы Валериан Осман-иҧа Кобахиа (15.05.1929 – 28.08.19929 ибаҟа. Уи аартра иалахәын Аҧсны Ахада Аслан Бжьаниа, Ахада Иусбарҭа анапхгаҩы Алхас Кәыҵниа, Аҧыза-министр актәи ихаҭыҧуаҩ Беслан Џьопуа, акультура аминистр Даур Ақаҩба, Аҟәа Ахадара аиҳабы Беслан Ешба, Кобахиа иҭаацәара ахаҭарнакцәа.

Аҧсны Ахада Аслан Бжьаниа Амиран Адлеиба ихиҵеит «Аҧсны Аҳәынҭқарра жәлар рсахьаҭыхҩы» ҳәа аҳаҭыртә хьӡы. Аҿыханҵаратә ҟазара ашьақәгылареи арҿиареи рҟны илагаламҭа ду азы, изанааҭтә ҟазара ҳаракы азы Адлеиба Амиран Сардион-иҧа ихҵазааит аҳаҭыртә хьӡы «Аҧсны Аҳәынҭқарра жәлар рсахьаҭыхҩы», – иазгәаҭоуп август 5 азы Аҧсны Ахада инапы зҵеиҩыз Аусҧҟаҿы.

Аҧсны ашәҟәыҩҩцәа Реидгыла ахадара Аҳәамҭа

Ишдыру еиҧш, аҳәынҭқарратә дача «Пицунда» Урыстәылатәи Афедерациа аҭареи уи ахархәашьеи рзы иқәгылоу азҵаатәы аҵыхәтәантәи аамҭазы ҳауаажәларраҿы еиуеиҧшым агәаанагарақәеи ацәажәарақәеи цәырнагеит. Иҟоуп иақәшашҳаҭу, Урыстәылеи ҳареи ҳаидгылара, ҳаиҩызара иахәо акәны изыҧхьаӡо. Аха иҟоуп уи иақәшаҳаҭым, Аҧсны Азакәан хада – Аконституциа еиланагоит ҳәа иахәаҧшуа.