Аԥсны ажурналистцәа реидгыла ахантәаҩы, ареспублика Зҽаԥсазтәыз ажурналист, "Ахьӡ-Аԥша" аорден III аҩаӡара занашьоу Руслан Ҳашыг иахьа 65-шықәса ихыҵит.

Руслан Ҳашыг акыраамҭа амаҵ иуан агазеҭ "Аԥсны". Агазеҭ "Аԥсны" аредакциа ахьӡала идаҳныҳәалоит ииубилеитә шықәсхыҵра, агәабзиареи анҵыра рацәеи,  арҿиаратә еихьӡара ҳаракқәеи иаҭәашьо.

Амҽыша, рашәарамза 16 рзы аԥсылманцәа Кәырбан-Баирам ныҳәа азгәарҭоит. Ари амш Аԥсны ныҳәамшны иԥхьаӡоуп.

Аԥсшьарамши аныҳәамши ахьеиқәшәаз инамаданы, Аԥсны Аминистрцәа Реилазаара Ақәҵарала, рашәарамза 16 (амҽыша) иақәшәо аԥсшьарамш уи иашьҭанеиуа аусуратә мшы, рашәарамза  17 (ашәахьа) ахь ииагахоит. Рашәарамза 17 ԥсшьарамшны ирылаҳәоуп.

Аԥсны Аԥыза-министр Алеқсандр Анқәаби Урыстәылатәи Афедерациа аекономикатә рҿиара аминистр ихаҭыԥуаҩ Дмитри Вольвачи аусуратә еиԥылара мҩаԥыргеит.

Севастопольтәи аҳәынҭқарратә Университет археологцәа жәларбжьаратәи аӡаҵаҟа-рхеологиатә експедициа аилазаараҿы имҩаԥгаз археологиатә ҭҵаарақәа ирылҵшәаны Аҟәатәи ашыцәаҟны ирбеит абжьарашәышықәсатәи аамҭа иаҵанакуа ажәытә ргыламҭа ахыжәжәарақәеи антикатә кыцлыхқәеи, ҳәа РИА Новости ахь адырра ҟанаҵеит аҵараиурҭа апресс-маҵзура.

БРИКС ахәмаррақәа рҟны аԥсуа спортсменцәа рымчқәа ԥыршәоит иахьа:  аԥкьаҭмпыл, ушу-саньда, самбо, атлетика хьанҭа, аишәатә ԥкьаҭмпыл – аспорт хкқәа рҟны.

Ишдыру еиԥш, ииун 12-23 рзы Татарсҭан аҳҭнықалақь Казан имҩаԥысуеит, Брикс ҳәа изышьҭоу, Урыстәылеи еиҩызаратә еимадарала зусеицура ҳәаақәҵоу аҳәаанырцәтәи жәпакы  аҳәынҭқаррақәеи рыбҩарцәыратә хәмаррақәа.

Аҧсны Аџьынџьтәылатә еибашьра еилгеижьҭеи 30 шықәса шҵхьоугьы, ақыҭатә ҧсҭазаара рацәак еиҕьымхац. Ҳабацәа-ҳабдуцәа рыдгьылқәа рахьтә игәыгәҭажьхаз ыҟоуп.

Аԥсны аҵара аминистр Инал Габлиа рашәарамза 10 – 12 рзы Казан ақалақь аҿы имҩаԥысыз аҵара аминистрцәа аҩбатәи Жәларбжьаратәи рфорум «Ԥхьаҟатәи аԥеиԥш» ихы алаирхәит.

Иарбан ҳәынҭқарразаалак  ишдыру еиԥш, асоциал економикатә ҿиара шиашоу иахьыԥшуп уи иқәынхо аусуралшаратә қәра змоу ауааԥсыра рхыԥхьаӡареи урҭ ргәабзиара аҩаӡареи.

Ахьааи агәырҩеи еиднакыло, Аԥсны Аџьынџьтәылатә еибашьраан зыхшара ҭахаз анацәа, жәытә-натә аахыс аҭоурых ишаҳәо еиԥш, еиҿамсын.