Акырӡа азхәыцра зҭаху аамҭа ҳҭагылеит... Асоциалтә бызкаҭаҳақәа рҟны ҽнакымзар ҽнак угәы ҭызшьаауа ажәабжьқәа улаԥш рықәшәоит. Ҳԥеиԥш зыхьԥшу аҿарацәа аӡәаӡәала ҩыџьа-ҩыџьала иҭахоит... Ԥеиԥшс иҳамоузеи? Ҳабакылыргои арҭ ахҭысқәа? Зышҟа ҳхы ҳархода? Ацхыраара ҳазҭода? Иабаҟоу ҳахдырра?
Ажәлар зегьы ргәы иҵхо ҭакда иаанхо азҵаарақәа жәпакы!?..
Ирымоузеи ӡбышьас? Ианбанӡа ас?

Ииуль 6 рзы, Аҟәа ныҳәа дук еиԥш иазгәарҭеит ҳаҳҭнықалақь 2508 шықәса ахыҵра амш.
Аныҳәатә усмҩаԥгатәқәа рахь ҳаиасаанӡа, ҳазыхынҳәып маҷк Аҟәа аҭоурых, аҵарауаҩ Анзор Агәмаа инҵамҭақәа «Старый Сухум» аҟнытә.

Иахьа ԥхынгәы 8 азы адунеи зегьы аҟны иазгәарҭоит аҭаацәара Жәларбжьаратәи амш. Аҭаацәара – абзиабареи агәырӷьареи рыла еибаркуп. Насыԥ рымоуп бзиабарала иҭәу аҭаацәараҿы ииуа ахәыҷқәа, уи хымԥада даара акыр аҵанакуеит ԥхьаҟатәи рԥеиԥши, хаҭарак аҳасабала рышьақәгылареи рҿы.

Аҭаацәареи, абзиабареи, азиашареи рымш аҽны, аилибакаареи  агәабзиареи шәзеиӷьаҳшьоит. Шәҭаацәараҿы аизҳазыӷьареи, аҳәоуеиқәшәареи, анасыԥ лашеи аҳра рымазааит еснагь.

Аҟәа — ижәытәӡоу адунеи ақалақьқәа иреиуоуп. Сынтәа уи 2508 шықәса ахыҵуеит.

Раԥхьаӡа акәны ара ауаа реиланхарҭа шьақәгылеит ҳәа иазгәарҭоит ҳера ҟалаанӡа VI ашәышықәса аҽеиҩшамҭазы, уи аахижьҭеи ҩ-нызқьи бжаки шықәса иҵхьоу ирылагӡаны аҭыԥантәи ашьхарыуа жәларқәа аԥсилқәеи абазгқәеи ркультурақәа еилаҵәон, урҭ ирылаҵәон еиуеиԥшым егьырҭ акультурақәагьы - абырзенцәа, генуиаа, аурымқәа, византиаа, аҭырқәцәа, аџьамцәа, аурысцәа уҳәа аӡәырҩы.

Аха аԥсуа абиԥарақәа ашәышықәсақәа ирылганы рмилаҭтә хаҿра еиқәырхо, рбааш-хьыҵәцарақәа хьчо иаҳзааргеит иахьа ҳзызгәыдуу, ҳабла аҷыц еиԥш ҳзеиҷаҳауа ҳаҳҭнықалақь.

Наунагӡа Аԥсни уареи шәеигымыз, ҳара ҳ-Аҟәа!

Ҭырқәтәыла инхо аԥсуа-адыга диаспора ахаҭарнакцәа рыла еиҿкаау ансамбль «Нарҭ» рхы аладырхәит Жәларбжьаратәи афестиваль «Op Roakeldais» ҳәа изышьҭоу. Уи рашәарамза 24 инаркны 30 рҟынӡа Нидерланды имҩаԥысуан.

Ансабль «Нарҭ» аԥҵан 2019 шықәсазы Ҭырқәтәылатәи ақалақь Сақариа аԥсуа-адыга ҿар. Уи адунеи атәылақәа зегьы рҟны еицырдыруа, акәашаратә коллективқәа рыбжьара, ицәырнагеит аԥсуааи адыгааи ркультура ҷыда.

«2023 шықәсазы Польша имҩаԥысыз афестиваль ҳалахәын, сынтәа ҩынтәны Нидерланды имҩаԥысуа ҳхы алаҳархәоит. Ҳара хықәкыс иҳамоуп ҳмилаҭтә кәашарақәеи амузыкеи рыла егьырҭ алахәылацәеи ахәаԥшцәеи ҳкультура ахьынӡаҵаулоу реилыркаара, уи аҵакы рызнагара. Ҳара ҳҽазаҳшәоит ҳақәгыларақәа рыла аԥсуааи адыгааи ртрадициақәеи, рҭоурыхи, есыҽнытәи рыбзазареи раарԥшра, акультурабжьаратәи ҳаимадара арӷәӷәара» - ҳәа азгәеиҭеит ансамбль ахореограф Ерсин Кәыҵниа.

Саида Ҳаразиа

Google аиҭагара афункциа «Translate» акырӡа аҽарҭбааит ҳәа адырра ҟанаҵеит. Уаҟа 110-бызшәа ҿыцқәа агәылагалоуп. Урҭ рхыԥхьаӡараҟны иҟоуп: аԥсуа, авар, ачечен, ауаԥс бызшәақәа.

Ԥхынгәымза 4 2006 шықәсазы Аԥсны Аҳәынҭқарра Ахада Сергеи Багаԥшь иусԥҟала иҷыдоу аҭагылазаашьақәа рзы Аусбарҭа аԥҵан.

Кан Ҭаниа ианашьахеит Урыстәыла ахада Иаҳаҭыртә шәҟәы.

Аусԥҟа анапы аҵаҩын жәабран 26 рзы, анашьара иазкыз аусмҩаԥгатә мҩаԥысит иацы Кремль. К.Ҭаниа аҳаҭыртә шәҟәы иоуит аԥсуа-абаза милаҭ аҿиара ацхрааразы аиҿкаара "Алашара" ахада иаппарат анапхгаҩыс даныҟаз Урыстәыла ауаажәларразы акрызҵазкуа аусмҩаԥгатәқәа реиҿкаареи рымҩаԥгареи ирзынархоу илшамҭақәа  рзы.

«Даара ҳаҭыр ду сзақәуп, аҭакԥхықәрагьы сыднаҵоит иахьатәи аамҭазы адунеи аҿы иналукааша анапхгаҩы Владимир Путин иҟынтәи ари аҩыза аҳамҭа аиура", — иҳәеит К.Ҭаниа, ианашьахаз «ҭабуп» ахҳәаауа.

Беслан Қәҭелиа ашьхыцқәа рахь имоу абзиабара ихәыҷра аахыс ицуп. Иара уажәгьы ибзианы игәалашәоит иани иаби ацха шырыԥшуаз, иахьа иара уи аус иациҵоит.