«Абас рҳәошәа слымҳа иҭаҩуеит Аԥсны зхы ақәызҵаз ақәрахьымӡақәа санрызхәыцуа. Ихьанҭоуп, ихьаауп аԥсҭазаара агьама абаха иахьымӡаз, аӡыхь ҿамҩа-заҵәыкгьы изаҿымхәаз ҳаҷкәынцәа-ҳаибашьҩцәа рыӡбахә аҳәара. Убарҭ дыруаӡәкуп Аԥсны Афырхаҵа Роберт Иуана-иԥа Габуниа.

Ажәҩан аҵаԥшра зцәыуадаҩыз, зхы шьҭымхӡакәа ицәажәоз аԥҳәыс лгәаҵа иаҵаҵәахыз ахьаа лнубаалон. Аҭаацәара ԥшӡа, зхы иақәгәырӷьо зыҩны иҩназ, зыхшара зааӡоз, аибашьра иахылҵыз арыцҳара имцабызха даблуа илыцран…
Дәырԥшь ақыҭан, Ԥкьын Виссарион игәараҭаҿы 1972 шықәсазы аԥсуа чара ԥшӡа руит.

Аиааирахь амҩа даараӡа иуадаҩын, аҧсҭбара дуқәа ацын, аха ҳҵеи ду, амилаҭ-хақәиҭратә қәҧара аҧхьагыла, ҳаамҭазтәи Аҧсуа ҳәынҭқарра ашьаҭаркҩы, Аҧсны Раҧхьатәи Ахада Владислав Арӡынба игәҭакы анагӡараҿы, ахақәиҭра аагараҿы хьаҵра аазмырҧшуаз, Ҳаҧсадгьыл аҧышәара дуӡӡақәа ирылигеит.

Валери Валикәа-иԥа Гамгиа, збаҩхатәреи зҭыхымҭақәеи рыла Аԥсны анҭыҵгьы зыӡбахә наҩхьоу сахьаҭыхҩуп, графикуп, ҿыханҵаҩуп. Аԥснытәи АССР-и Қырҭтәылатәи ССР-и зҽаԥсазтәыз асахьаҭыхҩы, Аԥсни СССР-и рсахьаҭыхҩцәа Реидгыла алахәыла, Аԥсны Жәлар рфорум «Аидгылара» агәҭа иалагылаз, Аԥсны Аҳәынҭқарратә Бираҟи Агерби дравторуп.

Ианакәызаалакгьы ҳажәлар ирхашҭраны иҟам Аҧсны Аџьынџьтәылатә еибашьра (1992-1993 шш.). Ари аибашьра иаҳзаанагеит агәырҩа,алаҕырӡ, аҧсыҭбарақәа. Хыҧхьаӡара рацәала рыҧсадгьыл ахьчара рхы ақәырҵеит иреиҕьу ҳҵеицәа. Урҭ рыбзоурала иахьа Аҧсны Аиааира ес-шықәса иазгәаҳҭалартә еиҧш аҭагылазаашьа ҳамоуп.

Сентиабр 26 рзы Аԥсны Аминистрцәа Реилазаараҿы имҩаԥысит изаамҭанытәыз аилатәара. Амш хәаԥштә аҿы иқәгылан 12 зҵаареи, ацхыраагӡақәа ҩбеи.
Иқәгылаз азҵаарақәа рахьтә, Аԥсны агәабзиарахьчара аминистр Едуард Быҭәба дазааҭгылеит,аԥсихиатртә хәышәтәрҭаҿы аҽыхәышәтәра ишьҭоу рыдагьы, ҳтәылауаа аԥсихиатртә хәышәтәразы ацхыраара рыҭаразы ишазхиоу.

Ҳаԥсадгьыл аӷа данақәла, уи аҟазаар­еи-аҟамзаареи ианрыбжьагыла, хәыҷгьы-дугьы неилымхрада ҳажәлар ақәылаҩ иҿагылеит.
Аԥсны ахьчаҩцәа дыруаӡәкуп, аибашьра адәаҿы иааирԥшыз агәымшәареи агәаӷьреи рзы Леон иорден занашьоу аибашьра аветеран, 1974 шықәса раахыс Аԥснытәи аҳәынҭқарратә капелла аҟны ахкынагӡаҩыс иҟоу, атенор абжьы назыгӡо, инеиԥынкыланы 54 шықәса аҟазара иазааԥсахьоу, иахьагьы амаҵ азызуа Аԥсны жәлар рартист Руслан Габлиа.

Аԥсны Аҳәынҭқарра Ахада Аслан Бжьаниа азинхьчаратә усбарҭақәа Ркоординациатә хеилак аилатәара далахәын. Иара убас  ахеилак аилатәараҿы иҟан Аҳәынҭқарра Ахада ихаҭыԥуаҩ Бадра Гәынба, Аԥыза-министр Алеқсандр Анқәаб, Жәлар Реизара Аиҳабы Лаша Ашәба, Аиҳабыра иалоу, адепутатцәа. Аилацәажәара иалахәын азинхьчаратә усбарҭақәа, аӡбаратә еилазаара анапхгаҩцәа, азинхьчаратә усбарҭақәа русзуҩцәа.