Адунеи ажәларқәа зегьы реиԥш, ҳажәларгьы жә́ытә-натә аахыс ирымоуп: рбызшәа, рҵас, рқьабз, рҟазара… даҽа милаҭк иалазмырҩашьо. Аҟазара уи доуҳатә культуроуп, ауаҩытәыҩса иԥсҭазаара иахәҭакуп, аҵакы адунеиаҿы инарҵауланы иахәаԥшуеижьҭеи акырӡа ҵуеит. Адоуҳа амч ахархәарала ианакәызаалак ауаажәларра рыбзазара еиҿыркаауан. Амилаҭтә хаҿра шьақәзырӷәӷәо аҟазараҵла амахәҭа жәпақәа ируакуп ажәлар рашәаҳәареи рыкәашареи.