Аҳаҭыртә хьӡы ихҵоуп

11 Нанҳәа 2022 16:00
Аҧсны Ахада Аслан Бжьаниа Амиран Адлеиба ихиҵеит «Аҧсны Аҳәынҭқарра жәлар рсахьаҭыхҩы» ҳәа аҳаҭыртә хьӡы. Аҿыханҵаратә ҟазара ашьақәгылареи арҿиареи рҟны илагаламҭа ду азы, изанааҭтә ҟазара ҳаракы азы Адлеиба Амиран Сардион-иҧа ихҵазааит аҳаҭыртә хьӡы «Аҧсны Аҳәынҭқарра жәлар рсахьаҭыхҩы», – иазгәаҭоуп август 5 азы Аҧсны Ахада инапы зҵеиҩыз Аусҧҟаҿы.
Аҧсны ашәҟәыҩҩцәа Реидгыла ахадара Аҳәамҭа Ишдыру еиҧш, аҳәынҭқарратә дача «Пицунда» Урыстәылатәи Афедерациа аҭареи уи ахархәашьеи рзы иқәгылоу азҵаатәы аҵыхәтәантәи аамҭазы ҳауаажәларраҿы еиуеиҧшым агәаанагарақәеи ацәажәарақәеи цәырнагеит. Иҟоуп иақәшашҳаҭу, Урыстәылеи ҳареи ҳаидгылара, ҳаиҩызара иахәо акәны изыҧхьаӡо. Аха иҟоуп уи иақәшаҳаҭым, Аҧсны Азакәан хада – Аконституциа еиланагоит ҳәа иахәаҧшуа.
Нестор Лакоба Иҭоурых-мемориалтә музеи аҟны аиҭашьақәыргыларақәа ирылагеит. Аминистрцәа Реилазаара адҵала Нестор Лакоба Иҩны-музеи аҟны арҽеира-еиҭашьақәыргыларатә усурақәа рзы Аиҳабыра ррезервтә фонд аҟнытә иоушьҭуп 12 829 658 мааҭ.

Атуризм арҿиаразы

11 Нанҳәа 2022 15:56
Аҧсны атуризм аминистр Ҭеимураз Хышба дылҧылеит Ростуризм ахада ихаҭыҧуаҩ Елена Лысенкова. Хышбеи Лысенковаи рылацәажәеит Аҧсны атуризм арҿиара амҩақәа. Ростуризм ахада ихаҭыҧуаҩ иазгәалҭеит, Аҧсны атуристтә лшарамчқәа шамоу, хыҧхьаӡара рацәала ҳтәылахь рхы шдырхауа. «Аҧсны алшарақәа зегь амоуп атуристцәа рхыҧхьаӡара акырӡа ашьҭыхразы», – лҳәеит лара.
Ааигәа амедиамаҵзура Sputnik Аҧсны Аҟәеи Москвеи рыбжьара еиҿнакааз авидеоцҳаҿы тема хаданы иқәгылан: «Аҧсны адемографиатә ҭагылазаашьа. Мҩақәас иҟоузеи уи алҵразы?». Аҧсны аганахьала уи алацәажәара иалахәын аҭоурыхтә ҭҵаарадыррақәа ркандидат, Д.И.Гәлиа ихьӡ зху Аҧсуаҭҵааратә институт аетнологиа аҟәша аҭҵаарадырратә усзуҩ Асҭанда Ҳашба, аекономикатә ҭҵаарадыррақәа ркандидат, Аҧснытәи аҳәынҭуниверситет амилаҭтә економика акафедра адоцент, асоциал-економикатә ҭҵаарақәа Рцентр аусзуҩ Хаҭуна Шаҭиҧа. Урыстәыла аганахьала – адемографиеи, амиграциеи, арегионтә ҿиареи…

Login to your account

Username *
Password *
Remember Me