Иаагозар аҵыхәтәантәи аамҭазы Аԥсны аҩныҵҟагьы аҿиара зауз еиуеиԥшым ахәмар-рақәеи асоциалтә гәыԥқәеи . Еиҳараӡак арҭ ахәмаррақәа ирыдрыԥхьалоит ахәыҷқәа, макьаназы зыхдырра нагӡаны имшәыц, зықәратә категориа еиҳаракгьы 10-17 шықәса ирхымсыц.
Убри инамаданы, ааигәа А.С.Пушкин ихьӡ зху Аҟәатәи абжьаратә школ №2 аҟны, Аҩнуҵҟатәи аусқәа ақалақьтә усбарҭа зықәра мнаӡац аус рыдулара аҟ́әша аусзуҩцәа ашколхәыҷқәа рзы имҩаԥыргеит аилыркааратә усмҩаԥгатәқәа.
Аусмҩаԥгатә иҭагӡаны ахәыҷқәа ирыҭан акыр хәарҭара зцыз адыррақәа, асоциалтә бызкаҭаҳақәа шәарҭара рыцымкәан ахархәара шалыршатәу азы .
Арҭ ауадаҩрақәа зегь раԥхьа иргыланы аҭаацәаратә еизыҟазаашьаҿы асоциалтә бызкаҭаҳақәа рхархәара еиҳа ԥыжәара аго иахьалагаз ауп изыхҟьо. Уи ҳәарада ихьааумгарц залшом. Уи аиԥылара ашколхәыҷқәа рнаҩс иалахәын ақалақь егьырҭ ашколқәа рнапхгаҩцәеи, ашкол анҭыҵтәи аусқәа реиҿкааҩцәеи.
Аманда Анталаа
