Ноиабр 21. Аԥсныпресс. Аҧсуа аҵаақәшьқьрааҩ қәыҧш Шорена Гәыниа ақалақь Елец аҧхьахә агараҿы ахҧатәи аҭыҧ аанылкылеит, ақәыҧшцәа 1-тәи рразриад шьақәлырҕәҕәеит, – иаанацҳауеит аҿар русқәеи аспорти рзы Аҳәынҭеилакы апресс-маҵзура.

Ааигәа ҳредакциа даҭааит ҳхақәиҭра аагара зыхәҭак алоу, иашалаҵәҟьа иуҳәозар, ақырҭуа-аҧсуа еибашьра ҳанҭагылаз ахаҵамҧҳәысра аазырҧшыз аҧҳәызба. Уи Ҧақәашь ақыҭа иалиааз Венера Грышьа-иҧҳа Шәқьериа лоуп. Аибашьра анцоз лара дынхон Тҟәарчал, Аҟармара аҳаблан аус луан афатәҭирҭа адәқьан аҿы. Лыҧшәма, милаҭла – ауаҧс, Иаша Џьиоев Ким-иҧа иакәзар, ашахтаусбарҭаҿ анџьныр хадас дыҟан.