Иаатит Аҧсны еицырдыруа асахьаҭыхҩы, Аҧсны зҽаҧсазтәыз акультура аусзуҩы ҳәа ахьӡ зыхҵоу, Аҧснытәи аҳәынҭқарратә университет аҟазарақәа рфакультет адекан Нугзар Ҷыҷыкәа-иҧа Логәуа иҭыхымҭақәа рцәыргақәҵа. Ҷыдала уи азкуп арҿиаҩы ииубилеи. Убри инаҷыдангьы ацәыргақәҵа аҩбатәи азал хадырҭәааит аиубилиар аҵара зирҵо астудентцәа рҭыхымҭақәа.

XX ашә. 20-тәи ашықәсқәа раан Москва ихацыркын аҧсуаа рхеидкыла аусура. 30-тәи ашықәсқәа рынҵәамҭазы уи аусура шеиҧҟьазгьы, изықәгылаз ауасхыр еиқәхеит.

Ҽнак зықәрахь инеихьаз ахаҵа еилаҳәара хәыҷык кны амузеи аҧхьа даасҧылеит. Ииҳәарц ииҭахыз игәы инамырҳәо, иикыз аилаҳәара хәыҷы аартуа иажәа далагеит: «Изышәҭаху шәразҵаа, дызцеибашьуаз шәрыҿцәажәа, зҟәышреи зыгәаҕьреи рыла зықәра иааҭәоумшьартә зхы мҩаҧызгоз ҵеин, – иҳәан иеилаҳәара аасиркит.