Апрель 25 аҽны адыга (ачерқьес) бираҟ Амш иазкын Аҟәа, ахәылԥаз Амҳаџьырцәа Рыԥшаҳәаҿы имҩаԥысыз агәырӷьаратә ныҟәара. Уи иалахәыз адыга, аԥсуа бираҟқәа шьҭыхны С.В. Багаԥшь ихьӡ зху Ашҭа аҟынтәи Аԥсуа драматә театр аҿаԥхьа иааит. Уаҟа имҩаԥысит Адыгеиеи Аԥсни рырҿиаратә коллективқәа рконцерт.

Аԥсынтәыла агеноцид иацәынхаз аерман жәлари урҭ рхылҵшьҭрақәеи ҩныс, иара убас иҿыцу ҧсадгьылны ирзыҟалеит. Аԥсны Аҳәынҭқарра Ахада Ас­лан Бжьаниа агеноцид иалаӡыз ргәалашәара амш азы аерман жәлар рахь ааԥхьара ҟаиҵеит.

Абарҭ амшқәа рзы Лыхнашҭа иқәгылоу ажәытә ҭәаҵла ду аиқәырхаразы Китаинтәи ахәшә ааргеит. Иахьзеи?

Мышқәак раҧхьа имҩаҧысит Аҧсны Жәлар Реизара изаамҭанытәу аилатәара. Амшхәаҧштә аҟны иқәгылаз ҩеижәиак зҵаара шьақәырҕәҕәан, урҭ рахь иацҵан даҽа х-зҵаарак. Аусура иалагеит Жәлар Реизара афбатәи ааҧхьараан ирыдыркылаз изыцҵоу ахә азы ашәахәтә азакәан апроект ала. Араҟа иалагалоу аиҭакрақәа ашәахтә иаҵанакуа акатегориақәа ҳәаақәырҵоит. Ари азакәан апроект рыдыркылеит ахҧатәи, аҵыхәтәантәи аҧхьарала.

Афорум Аԥснытәи аҳақьымцәа ирыцны рхы аладырхәит Урыстәылатәи аспециалистцәагьы -академикцәа, аҳақьымцәа, амедицинатә наукақәа ркандидатцәа. Афорум алахәылацәа рахь Аҳәынҭқарра Ахада Ас­лан Бжьаниа иҟаиҵаз адныҳәалара даԥхьеит Аҳәынҭқарра Ахада Иусбарҭа анапхгаҩы Џьансыхә Нанба. «І Аԥснытәи амедицинатә форум еиднакы­лаз зегьы ишәыдысныҳәалоит ҳҳәынҭқарразы аҵак ду змоу ахҭыс. Ҳазҭагылоу аамҭазы Аԥсны аԥсҭазааразы, аԥсшьаразы, агәабзиара аиҭашьақәыргыларазы иреиӷьу аҭыԥқәа иреиуоуп. Ара имҩаԥган ақәранҵыра ду афеномен аҭҵаара, иалыршан акурорт-гәабзиарачаԥарҭатә инфраструктура…