Аҧсны Ахада Аслан Бжьаниа ҳажәлар ирыдиныҳәалеит Аҧсны Аҳәынҭқарра ахьыҧшымра азхаҵара жәларбжьаратәи Амш

Аҧсны аҳәынҭқарра азхаҵаразы

1. Аҧсуа жәлар ргәаҳәара ҳасаб азуны, Аҧсны Аҳәынҭқарра азхаҵазааит исуверентәу, ихьыҧшым ҳәынҭқаррак аҳасабала.
2. Урыстәылатәи Афедерациа адәныҟатәи аусқәа Рминистрра Аҧсуа Ган аҟны аиҿцәажәарақәа мҩаҧнагароуп адипломатиатә еизыҟазаашьақәа рышьақәыргыларазы, иалыршоу аиқәышаҳаҭра шәҟәыла еиқәнаршәароуп.
3. Урыстәылатәи Афедерациа адәныҟатәи аусқәа Рминистрра анапы ианҵазааит анагӡаратә мчра аинтерес змоу афедералтә усбарҭақәа алархәны аиҩызареи, аусеицуреи, наҟ-ааҟ аицхыраареи ирызку аиқәышаҳаҭра апроект азыҟаҵаразы Аҧсуа Ган аҟны аиҿцәажәарақәа рымҩаҧгара, ишьақәыргылоу аҧҟарала уи анапаҵаҩразы ажәалагалақәа раагара.
4. Абри Аусҧҟа апункт 3 аҟны зыӡбахә ҳәоу аиқәышаҳаҭра рыбжьарҵаанӡа Аҧсны Аҳәынҭқарра Ахада Урыстәылатәи Афедерациа атәылахьчара Аминистрра ашҟа иҟаиҵаз ааҧхьара инамаданы, Аҧсны Аҳәынҭқарра иахьаҵанакуа аҭынчра ахьчаразы рнапынҵақәа нарыгӡалоит Урыстәылатәи Афедерациа Арбџьар Мчқәа.

Д.МЕДВЕДЕВ, Урыстәылатәи Афедерациа Апрезидент

2008 ш. август 26

Аҧсны Ахада Аслан Бжьаниа ааигәа даҭааит Гәдоуҭатәи араионтә хәышәтәырҭа хада. Уи дицын араион ахадара анапхгаҩы Баграт Боџьгәуа. Аҧсны Ахада ипресс-маҵзура излаанацҳауала, Бжьаниа иарҳәеит амедицинатә усҳәарҭа иахьаҵанакуа иҟоу апроблемақәа ртәы, ахәҭакахьала аӡышьҭрақәа, аӡымҩангагақәа шхаз.

Аҧсны Ахада Аслан Бжьаниа ауадақәа рцаҧха лнапы иаиркит Аҧсны Афырхаҵа Владимир (Гена) Карданов иҧшәма Асиаҭ Карданова. Гагра агәаны, Абазгаа рымҩаҿы ҩ-ҿык змоу ауада рзалхын Гагра араион Ахадара ацхыраарала хатәгәаҧхарала аибашьҩы иҭаацәа.

Аҧсны Ахада Аслан Бжьаниа асабша ашьжьымҭан Очамчыра араион Тамшьтәи абжьаратә школ иеиҭеит автобус, – иаанацҳауеит аҳәынҭқарра Ахада ипресс-маҵзура. Иара ихаҭа абри ашкол далгеит. Уаҟа рҵаҩцәас аус руан иара иани иаби.

Нанҳәамза 17 рзы Аҧсны Ауаажәларратә палатаҿы имҩаҧысит Аҧсны Ахада Аслан Бжьаниа далархәны аилатәара. Уи ҩ-сааҭк инарзынаҧшуа ицон. Аилатәара аартуа Ауаажәларратә палата амаӡаныҟәгаҩ, Аҧсны Анацәа Рхеидкыла аиҳабы Гәыли Кьычба илҳәеит, иахьатәи ҳаамҭазы Пицундатәи аҳәынҭдача иазкны Аиқәышаҳаҭра анапаҵаҩразы ауаажәларраҿы иҟоу агәынамӡарақәа инарымаданы, гәыҧҩык ауаажәларра рхаҭарнакцәа ашәҟәы шырҩыз Ауаажәларратә палатахь, алацәажәара ахаҵгыларазы.