Ԥхынкәын 09, 2022

Ареспубликатә ҳәынҭқарратә усҳәарҭа «Аҧснымедиа»

Image

Аибашьҩы иҭаацәа рнапаҿы

Аҧсны Ахада Аслан Бжьаниа ауадақәа рцаҧха лнапы иаиркит Аҧсны Афырхаҵа Владимир (Гена) Карданов иҧшәма Асиаҭ Карданова. Гагра агәаны, Абазгаа рымҩаҿы ҩ-ҿык змоу ауада рзалхын Гагра араион Ахадара ацхыраарала хатәгәаҧхарала аибашьҩы иҭаацәа.

«Шәҧылара сеигәырҕьоит, Асиаҭ Ҳасан-иҧҳа. Шәара еснагь ҳацхыраара шәақәгәыҕларц шәылшоит. Ааигәа иазгәаҳҭеит хатәгәаҧхарала еибашьуаз Рымш. Урҭ Аҧсны жәлар Рџьынџьтәылатә еибашьраҿы рлагаламҭа ахәшьара аҭара уадаҩуп. Ҳәарас иаҭахузеи, ҳалшарақәа ҳасаб рзуны, макьаназ иҳалымшац ҳфырхацәа – хатәгәаҧхарала аибашьцәа, аинвалидцәа, аибашьра иалахәқәаз рҿаҧхьа иқәгылоу апроблемақәа зегьы рҭыҧ рықәҵара. Аха аамҭа-аамҭала урҭ апроблемақәа зегьы ҳаӡбалоит».

Аҳәынҭқарра Ахада иазгәеиҭеит, легендак иаҩызоу Гена Карданов иҭаацәа рынхарҭа апроблема абыжәраанӡагьы ишыӡбатәыз. Шьҭа аҭагылазаашьа рҽеиуп, иаҵишьит Аслан Бжьаниа.

Аҧсны Афырхаҵа иҧшәма Асиаҭ Карданова гәык-ҧсыкала ҭабуп ҳәа иалҳәеит Аслан Бжьаниа иҟаиҵаз ахшыҩзышьҭразы.

1992-1993 шықәсқәа рзы Аҧсны жәлар Рџьынџьтәылатә еибашьра алагамҭазы Владимир (Гена) Карданов Ҟабарда-Балкариантәи хатәгәаҧхарала аибашьцәа ргәыҧ даланы Аҧсныҟа дааит. Иаарласны «Ҟабарда» зыхьӡыз аибашьцәа ргәыҧ акомандирс дшьақәырҕәҕәан. Хатәгәаҧхарала аибашьҩы Карданов дҭахеит 1993 шықәса апрель 13 азы иоуз ахәрақәа ирыхҟьаны.

  • Image
    Image
    Ad Sidebar

    Login to your account

    Username *
    Password *
    Remember Me