Мышқәак раҧхьа имҩаҧысит Аҧсны Жәлар Реизара изаамҭанытәу аилатәара. Амшхәаҧштә аҟны иқәгылан х-зҵаарак.

Маи 30 рзы имҩаҧысит Аҧсны аоппозициатә мчрақәа зымҩаҧгара азҧхьагәаҭан ирымаз амитинг. Уи иалагаанӡа Аҧсны Аҳәынҭқарра Ахада Аслан Бжьаниа азинхьчаратә усбарҭақәа русзуҩцәа алархәны аилацәажәара мҩаҧигеит. Иазгәеиҭеит аоппозициатә мчрақәа имҩаҧыргараны иҟоу амитинг аҟны Аҧсны Азакәан инақәыршәаны ахымҩаҧгара шаҭаху. Азинхь­чаратә усбарҭақәа рнапхгаҩцәа рышҟа дҵаны иқәиргылеит аилагарақәа ҟамларц азы ирылшо зегьы рыҟаҵара, ишакәым аӡәы ихы мҩаҧигозаргьы, азакәан ишаҳәо ала изныҟәара.

Маи 29 азы 12 шықәса ҵит Аԥсны Аҳәынҭқарра Аҩбатәи Ахада Сергеи Уасил-иԥа Багаԥшь иԥсҭазаара далҵижьҭеи (1949 март 4 – 2011 маи 29).

Cынтәа 160 шықәса ахыҵит Н.А.Лакоба ихьӡ зху Аҟәатәи 10-тәи Ашьха­уаа ршкол. Хыҧхьаӡара рацәала амилаҭтә кадрқәа еиҵанааӡахьеит. Ашкол есымшагьы иадҳәалоуп атәыла аҭоурых, уи иқәынхо ажәлар рыҧсҭазаара, ргәеисра.

Ишаҧу еиҧш, маи 18 рзы жәларбжьа­ратәи амузеиқәа рыҵх азгәаҭара иамшуп. Убас ари амш азы Аҧсны амузеи­қәа зегьы рҿы рзанааҭтә ныҳәа азгәарҭон. Амузеиқәа ирҭаауеит ашкол хәыҷқәа, аҵарауаа, ауаажәларра, агәаҳәара змоу зегьы.

Лаҵарамза 17 рзы Р.Гәымба ихьӡ зху Аԥснытәи аҳәынҭқарратә филармо­ниаҿы имҩаԥысит Очамчыра ақалақь аҟынтәи иааз жәлар рышәаҳәареи рыкәашареи рансамбль «Ерцахә» аҳасабрбатә концерт.

Аԥсныпресс. С.И.Ҷанба ихьӡ зху Аҧсуа ҳәынҭқарратә драматә театр аҿы имҩаҧысит аинтеллигенциа рхеидкыла «Аламыс» аиҿкаара иазкыз аизара ду. Уи иалахәын Аҧсны ахада ихаҭыҧуаҩ Бадра Гәынба, Аҧыза-министр ихаҭыҧуаҩ Владимир Делба, Аҧсны Ахада Иусбарҭа аиҳабы Џьансыхә Нанба, Аҟәа ақалақь ахада Беслан Ешба, ауаажә­ларра, аинтеллигенциа рхаҭарнакцәа. Абри атәы аанацҳауеит Аинформациатә маҵзура "Аԥсадгьылинфо".

Иахьа ҳазлагәырҕьо, иҳамоу ҳхақәиҭра, ҳхьыҧшымра зыбзоуроу ҳҵеицәа гәлымҵәахқәа рхадараҿы игылоу, Раҧхьатәи Аҧсны Ахада Владислав Григори-иҧа Арӡынба диижьҭеи 78 шықәса ҵит.

Урыстәыла агәабзиа­рахьчара Аминистрраҿы Аԥсны агәабзиарахьчара аминистр Едуард Быҭәбеи Урыстәыла агәабзиарахьчара аминистр актәи ихаҭыԥуаҩ Виктор Фисенкои реиԥылара мҩаԥысит, ҳәа адырра ҟанаҵоит Аԥсны агәабзиарахьчара Аминистрра апресс-маҵзура.

Аҳәынҭқарра Ахада Аслан Бжьаниа Урыстәыла иҟоу, иара убас аилагӡарала Аԥсны иҟоу Венесуела ацҳаражәҳәаҩ ҿыц Хесус Рафаель Саласар Веласкес иҟынтәи агәраргагатә шәҟәқәа идикылеит.

Аԥсны адәныҟатәи аусқәа Рминистрра аԥҵара 30 шықәса ахыҵра иазкны аныҳәатә еилатәара мҩаԥысит Аминистрцәа Реилазаара аконференц-зал ахыбраҟны.

Маи 21 рзы Аҧсны, иара убас Кавказ ажәларқәа зегьы иазгәарҭоит аҭоурых еиқәаҵәа – амҳаџьырцәа Рымш. Кавказ аибашьра иалаӡызи, мчыла зтәыла иахыганы иқәырцаз ҳажәлари ргәалашәара игәыҭшьаагоу мшуп.