Ареспубликатә ҳәынҭқарратә усҳәарҭа «Аҧснымедиа»
Акциа аҳәаақәа ирҭагӡаны имҩаԥысуеит атлетика ласы азы аиԥхныҩлара. Иара убас, имҩаԥгахоит амҵәышәмпыл 3х3, аӡсара, астолтә ԥкьаҭмпыл, ашахматқәа, анардқәа, адомино азы аицлабрақәа, иара убас ахыци ахәымпали рыла ахысразы аҟазарақәа-классқәа еиҿкаахоит. Аҟәатәи аолимпиатә ӡҭарчы аҿы имҩаԥысит аӡсаразы аицлабрақәа, Аԥсуа драматә театр аҿаԥхьеи Б.У.Шьынқәба ихьӡ зху апарки рҿы амҵәышәмпыл 3х3, астолтә ԥкьаҭмпыл, ашахматқәа, анардқәа, адомино рзы аицлабрақәеи ахыци ахәымпали рыла ахысразы аҟазара классқәеи мҩаԥган. Ари аус ахықәкы хада – агәабзиара аиҷаҳареи аҿар рыбжьара анаркотикқәа раларҵәара аԥхьырҟәҟәаареи ауп.