Ииуль 31 азы Аԥыза-министр Алеқсандр Анқәаб аилацәажәара мҩаԥигеит афымца азҵаарақәа ирызкны, – иаанацҳауеит Аминистрцәа Реилазаара апресс-маҵ­ура.

Ииуль 26 азы имҩаԥысыз Аԥсны Жәлар Реизара ратификациа азнауит «В.Г. Арӡынба ихьӡ зху Жәларбжьаратәи аҳаиртә баӷәаза «Аҟәа» аусура аларгареи ҳаԥхьаҟагьы ахархәареи рзы Урыстәылатәи аиуристтә хаҿы иганахьала аинвестициатә проект анагӡаразы Аԥсны Аҳәынҭқарра Аиҳабыреи Урыстәылатәи Афедерациа Аиҳабыреи рыбжьара Аиқәшаҳаҭра». Аиқәшаҳаҭра анапы аҵаҩын Санкт-Петербург, 2023 шықәса ииун 16 азы.

Ақалақь-Фырхаҵа Гәдоуҭа ҧхынгәы 25 рзы Аҧсны Аҳәынҭқарра Ахада Бжьаниа Аслан Гьаргь-иҧа араион актив реиҧылара далахәын. Араион ахадара ашықәсбжазтәи алҵшәақәеи аихшьаалақәеи ирылацәажәон.

Ииуль 28 азы Аԥсны Ахада Аслан Бжьаниа идикылеит Ҭырқәтәылан Аԥсуа культуратә центрқәа Рфедерациа ахаҭарнакцәа. Аиԥылараҿы ирылацәажәеит аҳәынҭқарреи ауаажәларреи рыԥсҭазаара, аекономика, Аԥсны адәныҟатәи аҩнуҵҟатәи аполитика хра злоу рызҵаарақәа. Абри атәы аанацҳауеит Аԥсны Ахада исаит.

Ииуль 11-12 рзы Амшын Еиқәа аҿықә аҿы иҟалаз амшцәгьа иахҟьаны Аҧсны араионқәа аҧхасҭа ҕәҕәала изауз ҟалеит. Уахь иаҵанакит Гагра араион. Ақәа ҕәҕәа анаанымгыла аӡиасқәа хыҵит, аӡы ауаа рыҩнқәа ирыҩналеит, иҧнаҽыз, иҧхасҭанатәыз рацәахеит.

Хышықәса инарыцны иҵуеит ҳтәылаҿ ақыҭанхамҩатә проект ФАО ООН захьӡу аартуижьҭеи. Иара хықәкыс иамоуп арахәааӡара знапы алаку ауааҧсыра ацхыраара рыҭара.