Ааҧсарак ззымдыруаз  еицырдыруа аҵарауаҩ, Аҧснытәи ашьхақәеи Нхыҵтәи ашьхақәеи рхи-рҵыхәеи дырхысны иҭызҵааз Таҷ Гыцба диит абҵарамза 20, 1933 шықәсазы Гәдоуҭа араион Џьырхәа ақыҭан анхаҩнага иҭаацәараҿы.

Аԥсны Ахада Аслан Бжьаниа Левант Аҭрышба идиныҳәалеит Ҭырқәтәылан Аԥсуа культуратә центрқәа Рфедерациа ахантәаҩыс дахьалырхыз.

«Лыхнашҭа» аныҳәа амҩаԥгара Гәдоуҭа араион зегьы азы акырӡа зҵазкуа уаажәларратә хҭысуп. Убри аҟнытә ари аус аиҿкаара рхы аладырхәроуп ақыҭақәеи, ашколқәеи, ааглыхратә наплакқәеи, аспорти, аҟазаратәи усҳәарҭақәа зегьы рнапхгаҩцәеи рактиви, лымкаалагьы аинтеллигенциа рхаҭарнакцәа…

Аԥсны Аҳәынҭқарра Ахада Аслан Бжьаниеи Урыстәылатәи  Афедерациа ашәарҭадара Ахеилак Амаӡаныҟәгаҩ ихаҭыԥуаҩ Рашид Нургалиеви реиԥылара Аслан Бжьаниа усуратә ныҟәарала Москваҟа ицара инҭагӡаны имҩаԥысит, адыра ҟанаҵоит атәыла Ахада ипресс-маҵзура.

Аԥсныпресс.  Абҵарамза 10  азы аҩнуҵҟатәи аусқәа русбарҭақәа русзуҩцәа рзанааҭтә ныҳәа азгәарҭеит.

Жьҭаарамза 31 инаркны абҵарамза 4 рҟынӡа имҩаԥысуан XVII ареспубликатә арра-спорттә хәмарра «Аиааира». Ишьақәгылаз атрадициала уи атәылахьчара Аминистрра артиллериатә база аҿы имҩаԥысуан.

Гәында Кәыҵниа-ҧҳа еиҳабыс дызмоу аҳәынҭқарратә бызшәатә политиказы Аҧсны Аҳәынҭқарратә усбарҭа аусзуҩцәа еснагь аҧсуа бызшәа аҿиареи, аӡыргареи, уи рыларҵәареи хықәкыс ирыман, хаҭала, русура аҕьыракгьы ахәыҷқәа абызшәа радҧхьалара иазкын.

Едуард Бебиа ихьӡ зху Аҳәынҭқарратә акәашаратә ансамбль «Шьараҭын» ахәыҷтәы ахореографиатә акәашаратә студиа «Иааирума» Санкт-Петербург имҩаҧысуаз XX-тәи Жәларбжьаратәи Аконкурс-Фестиваль «Ҳәаада» аҟны Гран-при иаиааит.

Жьҭаарамза алагамҭазы Туган Мальсагов ихьӡ зху Ингәыштәи Атәылаҿацәҭҵааратә музеи аҟны иаартын Урыстәылатәи асахьаҭыхҩы ELENA KIRMIZI NAR жәафтәи хаҭалатәи лцәыргақәҵа «Кавказ Афырхацәа».

Ноиабр 1 азы Аҧсны   асахьаҭыхҩцәа Реидгыла иатәу ацәыргақәҵатә зал хадаҿы иаартын Аҧсни Урыстәылеи рсахьаҭыхҩцәа Реидгыла алахәыла, асахьаҭыхҩы Руслан Чхамалиа иҭыхымҭақәа рцәыргақәҵа.

Аԥсны Анаукақәа Ракадемиа Аботаникатә Институт аконференц зал аҿы Анаука Амш азгәаҭара иазкны Аԥсны Анаукақәа Ракадемиа Азеиԥш еизара мҩаԥысит. Амшхәаԥштә зҵаара хаданы иқәгылан Аԥсны Анаукақәа Ракадемиа апрезидент иалхра.

Мышқәак раҧхьа имҩаҧысит Аҧсны Жәлар Реизара изаамҭанытәу аилатәара. Адепутатцәа аусура иалагеит «Аҧсны Аҳәынҭқарра Атәанчаҩратә фонд 2023 шықәсазтәи абиуџьет» азакәан аиҭакрақәа ралагаларала. Уи инақәыршәаны Аҧсны жәлар Рџьынџьтәылатә еибашьраҿы  Аиааира 30 шықәса ахыҵра инамаданы ҧшькатегориак ирыҵаркуа атәанчаҩцәа ирызшәахоит 28 миллион мааҭ инарзынаҧшуа аҧара.