Абыда зхала ахәыҷқәа зааӡо анацәа аӡәы изы ирызшәахо аԥаратә цхыраагӡа 500 мааҭ рыла иазҳауеит, убас ала уи аицҵалыҵ 2000 мааҭ рҟынӡа инаӡалоит. 

 18 шықәса зхымҵыц ахәыҷқәа ахьыҟоу аҭаацәарацәа ироулоит:

хҩык ахәыҷқәа змоу аҭаацәа – аӡәыцыԥхьаӡа 1000 - 1000 мааҭ ( 2023 шықәсазы – 600 мааҭ);

ԥшьҩык ахәыҷқәа змоу – рыцыԥхьаӡа 1500 - 1500 мааҭ ( 2023 шықәсазы – 900 мааҭ);

 хәҩык ахәыҷқәа змоу  – 2000 - 2000 мааҭ (2023 шықәсазы – 1050 мааҭ).

Аеҭымцәа – 1500 мааҭ рыла еиҳаны ирызшәалахоит, урҭ ироуло аԥаратә цхыраагӡа аицҵалыҵ 3000 мааҭ рҟынӡа инаӡалоит. 

Ҩынтә еиҳахоит есымзатәи аԥаратә цхыраагӡатәқәа рыҩаӡара. Уи 3 000 мааҭ рҟынӡа инаӡалоит. Убас:

 16 шықәса рҟынӡа зхыҵуа ахәыҷы-аинвалид дызбо –3000 мааҭ;

 ихәыҷаахыс ихымхәоу, актәи агәыԥ иаҵанакуа рбаразы – 3000 мааҭ рҟынӡа;

 аеҭымцәа 18 шықәса рхыҵаанӡа;

ахәыҷы ииразы – 10000 мааҭ.

2023 шықәсазгьы асоциалтә цхыраагӡақәа 50% ишьҭырххьан.

 Аҭаацәарацәа рзы аԥаратә цхыраагӡа ашьақәыргылараан хымԥада аҭаацәа рҩыџьагьы Аҟәа ақалақь аҿы есымшатәи анхарҭаҭыԥ рымазароуп.

Ажьырныҳәамза 1, 2024 шықәса инаркны  Аҟәа ақалақь аҿы ахәыҷы ииразы ирызшәахо аԥаратә цхыраагӡа аҩаӡара  2 500 мааҭ рыла иазҳауеит, уи аицҵалыҵ  10 000 мааҭ рҟынӡа инаӡоит.  

Иазгәаҭатәуп, зныктәи аԥаратә цхыраагӡа аиуразы азин ыӡуеит, азыҳәаҩ уи аиуразы  ахәыҷы иира фымз рышьҭахь дадҵаалазар.