Аусмҩаԥгатә Урыстәылатәи Афедерациа аҵара Аминистрра адгыларала Икоммерциатәым аиҿкаара Иаарту аҵарадырра ацентр «ПРОсвет» еиҿнакааз апроект «Акультуратә цҳа: Урыстәыла – Аԥсны» аҳәаақәа ирҭагӡаны имҩаԥысуеит.

 «Апроект анагӡаразы ихадоу астимулқәа ируакхеит ауаажәларра рыԥсҭазааратә шьақәгылара аусхкқәа зегьы рыла Аԥсни Урыстәылеи рыбжьара ессаира изызҳауа аусеицура амҽхак. Уи  аҵарадырра, акультура уҳәа аусхкқәа рҿы аганқәа еиҳа еизааигәазтәуа ажәалагала ҿыцқәеи аԥшьгарақәеи  реиқәыршәара иазкхоит», -  иазгәарҭоит аусмҩаԥгатә аиҿкааҩцәа.  

Ацәыргақәҵа аус аулоит ԥхын­ҷкәын­­мза анҵәамҭанӡа. Ацәыргақәҵа аҭааҩцәа Аԥснытәи ашколқәа рҵаҩцәа арҿиаратә мастер-классқәа рымҩаԥгараан рнапы иҵыҵыз  анапкымҭақәеи алитературатә ԥҵамҭақәеи рбарала   аурыс жәлари аԥсуа жәлари ртрадициақәеи, рҵасқәеи, рқьабзқәеи  рзы ирымоу адыррақәа реизырҳара азы алшара роуеит.

Уажәазы ацәыргақәҵахь инагоуп 100 инарзынаԥшуа аекспонатқәа, урҭ аурыс еиԥш, аԥсуа культурагьы ахаҿра рныԥшуеит. Убри аан аекспозициа есымша иҿыцу аусумҭақәа рыла ихарҭәаахоит.

 Афорум иалахәылацәахоит алингвистика, апедагогика, акультуралогиа уҳәа амаҭәарқәа рыла инагоу Урыстәылатәи аспециалистцәа, урҭ Аԥснытәи рколлегацәеи дареи  аимадара рыбжьарҵоит.  Афорум асасцәа рзы  аԥышәа бзиа змоу аҭыԥантәи аекскурсиамҩаԥгаҩ дызцу, Аԥсны аҭыԥ ԥшӡарақәа рахь аинтерес зҵоу акультура-екскурсиатә программа еиҿкаахоит.

Ацәыргақәҵа ахьымҩаԥысуа аҭыӡҭыԥ: ақ. Аҟәа,  Абазаа рымҩа, аҩ. № 38. Аусура аамҭа: есыҽны, асааҭ 11:00 –18:00. Аԥсшьарамшы – ахаша.