Аԥсны Ахадеи ажәлари рахь Урыстәыла Апрезидент Владимир Путин Аслан Бжьаниа Аиааира Амш идиныҳәалеит. Уаҟа иазгәаҭоуп: «Ҳаҭыр зқәу Аслан Гьаргь-иԥа, гәык-ԥсык ала ишәыдысныҳәалоит Аԥсны Аҳәынҭқарра аныҳәа - Аиааиреи Ахьыԥшымреи Рымш.

Абар мышқәак роуп иагу Аҧсны Аџьынџьтәылатә еибашьра (1992-1993) шықәса Аиааира 30 шықәса ахыҵра Аҧсны жәлар иазгәарҭарц. Егьа аамҭа царгьы аибашьра ахьаа Аҧсны жәлар ҩнаҭацыҧхьаӡа ирзаанагаз хашҭшьа амам.

Ақырҭуа-аԥсуа еибашьра хлымӡаах Мрагыларатәи афронт иалахәыз рҭоурых шәҟәык ианӡалом. Иага шықәса царгьы, иага ԥша хаа бжьасыргьы аибашьра ахәрақәа ӷьашьа рықәым. Еиҳарак угәы ҭзырӡыӡаауа, ихьу-хьууа уцәа ужьы ианыруа гәалашәароуп ақәрахьымӡақәа рыхьӡқәа.

Аибашьра еилгеижьҭеи 30 шықәса шҵхьоугьы уи иалахәыз, иара зхьысыз аҭаацәарақәа рзы, ҷыдала ихьанҭоу гәалашәароуп.

20 шықәса рыҩнуҵҟала, журналистк иаҳасабала хаҭала, аибашьра аветеранцәа ирызкны акьыҧхь иазсырхиахьоу астатиақәа маҷым. Аха урҭ рҟны, шамахамзар, сыуацәеи-сҭынхацәеи рыӡбахә азааҭгылара цәаҩас исымамызт.