Ааигәа аҟазарҭатә платформа «Гәыма» ицәыргақәҵан Аҧсны Аџьынџьтәылатә (1992-1993) еибашьраан иҭахаз аҵеицәа гәыҧҩык зларааӡаз агарақәа. «Колыбель, вырастившая воина» ахьӡын ацәыргақәҵа. Ари ацәыргақәҵа еиҿкаан Жәларбжьаратәи аҧсуа-абаза конгресси С. Дбар ихьӡ зху Аҧсны Аџьынџьтәылатә еибашьра аҳәынҭқарратә музеии рыбзоурала.

Аӡәгьы изы имаӡам, идыруп Аҧсны Аџьынџьтәылатә (1992-1993) еибашьраан амедиаҳәшьцәа рылшамҭақәа.

Аҧсны Аџьынџьтәылатә еибашьра (1992-1993) аҟны рлагала дууп Аҟәатәи аҷкәынцәа. Аибашьра аветеран, Аҟәатәи абаталион актәи арота акомандирс иҟаз, Леон иорден занашьоу Иури Хәаҭланӡиа иахьа ҳажәлар Аиааира аныҳәа рыдныҳәалауа, Аҟәа ахақәиҭтәразы имҩаҧысуаз аҵыхәтәантәи инарҭбааз ажәыларақәа рахьтә хҭысқәак дырзааҭгылеит. Иури Хәаҭланӡиа раҧхьатәи амшқәа инаркны Аҧсадгьыл ахьчаҩцәа дрылагылан. Очамчыра араион Кындыҕ ақыҭан ииз, иааӡаз акыр шықәса раахыс Аҟәа дынхон, аус иуан, аҳҭны-қалақь аҟны аҭаацәарагьы…