Аԥсны Аџьынџьтәылатә еибашьра ианалага, ҳашьцәа Нхыҵ-Кавказаа иарӷьажәҩаны иҳавагылеит. Иҳацрыхьчеит ҳаԥсадгьыл, аӡәырҩгьы рхы ақәырҵеит. Аибашьра ианалага раԥхьатәи амшқәа рзы Аҧсныҟа зымҩа хаз дыруаӡәкхеит аибашьраҿы акыр аџьабаа збаз, Аԥсны Афырхаҵа ҳәа ахьӡ зыхҵаз Алхазур Сулеиманов. Зажәеи зуси назыгӡоз ари ауаҩ ҳажәлар ашьаарҵәыра ианалагылаз аамҭазы, уи игәы иҵанаҳәаны аҧсуаа дҳавагылеит, иҧсҭазаарагьы ҳадиҳәалеит.

Валентин Семион-иҧа Барцыц диит сентиабр 16, 1934 шықәсазы, Гагра ақалақь аҟны. Аџьынџьтәылатә еибашьра Дуӡӡа аан, 1942 шықәсазы, уи иҭаацәа аамҭала ҳәа нхара Очамчыра араион Ҭхьына ақыҭахь имцар амуит.

2024 шықәса рзы иҟалаз амашәырқәа рхыԥхьаӡара 2022 – 2023шш. ирҿырԥшны уахәаԥшуазар, маҷк иагхеит ҳәа уҳәартә иҟоуп. Абри азы Аԥснытәи аҳәынҭқарратә телерадиоеилахәыра апресс-центр аҿы дықәгыло, адырра ҟаиҵеит Лев Кәыҵниа.

Ахәыҷтәы поет, апрозаик, аиҭагаҩ, ааӡаҩ Џьота Тапаӷәуа диижьҭеи 100 шықәса ҵуеит. Џьота Константин-иҧа Тапаӷәуа диит 1924 ш сентиабр 20 рзы Очамчыра араион Кәтол ақыҭан. Апедагогикатә ҭҵаарадыррақәа ркандидат Аҧсни Қырҭтәылеи зҽаҧсазтәыз арҵаҩы ҳәа аҳаҭыртә хьыӡқәа ихҵан. СССР-и Аԥсни рышәҟәыҩҩцәа Реидгылақәа дрылан.

Иҭыҵит алитература-сахьаркыратә, ауаажәларра-политикатә журнал «Алашара» аномер ҿыц (№4, 2024 ш.). Ажурнал аатуеит сынтәа 75 шықәса зхыҵыз апоет, ауаажәларратә усзуҩ, ажурнал «Аԥсны аҟазара» аредактор хада Геннади Аламиа иҿцәажәарала. Аиубилиар диҿцәажәеит ажурнал «Алашара» аредактор хада Анатоли Лагәлаа.