Кәырбан-Баирам (Ҳаџьра-цара ахыркәшара) аԥсылманцәа рзы зегьы реиҳа ихадоу ныҳәоуп. Уи, азхаҵаҩцәа хьанарԥшуеит аԥсылманра адоуҳатәи ацәаҩатәи хыҵхарҭақәа рахь.

БРИКС ахәмаррақәа рҟны амацара акәӡам арҭ амшқәа рзы Аԥсны абираҟ гәадурала иахьыҳараку.

Аԥсуа жәлар ирылиаауеит зхы аиҳа зыԥсадгьыл еиӷьазшьо, ашьхыц еиԥш ааԥсара рзымдырӡо, зыԥсадгьыли зыжәлари рус иашьҭоу ауаа. Иахьатәи аамҭазы ус иҟоу маҷҩуп. Убас иҟаз аԥсыцқьақәа дырхыԥхьаӡалоуп Баҭал Гәынба.

Аԥсны ажурналистцәа реидгыла ахантәаҩы, ареспублика Зҽаԥсазтәыз ажурналист, "Ахьӡ-Аԥша" аорден III аҩаӡара занашьоу Руслан Ҳашыг иахьа 65-шықәса ихыҵит. Руслан Ҳашыг акыраамҭа амаҵ иуан агазеҭ "Аԥсны". Агазеҭ "Аԥсны" аредакциа ахьӡала идаҳныҳәалоит ииубилеитә шықәсхыҵра, агәабзиареи анҵыра рацәеи, арҿиаратә еихьӡара ҳаракқәеи иаҭәашьо.

Амҽыша, рашәарамза 16 рзы аԥсылманцәа Кәырбан-Баирам ныҳәа азгәарҭоит. Ари амш Аԥсны ныҳәамшны иԥхьаӡоуп. Аԥсшьарамши аныҳәамши ахьеиқәшәаз инамаданы, Аԥсны Аминистрцәа Реилазаара Ақәҵарала, рашәарамза 16 (амҽыша) иақәшәо аԥсшьарамш уи иашьҭанеиуа аусуратә мшы, рашәарамза 17 (ашәахьа) ахь ииагахоит. Рашәарамза 17 ԥсшьарамшны ирылаҳәоуп.