Ҳаԥсадгьыл аӷа данақәла, уи аҟазаар­еи-аҟамзаареи ианрыбжьагыла, хәыҷгьы-дугьы неилымхрада ҳажәлар ақәылаҩ иҿагылеит.Аԥсны ахьчаҩцәа дыруаӡәкуп, аибашьра адәаҿы иааирԥшыз агәымшәареи агәаӷьреи рзы Леон иорден занашьоу аибашьра аветеран, 1974 шықәса раахыс Аԥснытәи аҳәынҭқарратә капелла аҟны ахкынагӡаҩыс иҟоу, атенор абжьы назыгӡо, инеиԥынкыланы 54 шықәса аҟазара иазааԥсахьоу, иахьагьы амаҵ азызуа Аԥсны жәлар рартист Руслан Габлиа.

Аԥсны Аҳәынҭқарра Ахада Аслан Бжьаниа азинхьчаратә усбарҭақәа Ркоординациатә хеилак аилатәара далахәын. Иара убас ахеилак аилатәараҿы иҟан Аҳәынҭқарра Ахада ихаҭыԥуаҩ Бадра Гәынба, Аԥыза-министр Алеқсандр Анқәаб, Жәлар Реизара Аиҳабы Лаша Ашәба, Аиҳабыра иалоу, адепутатцәа. Аилацәажәара иалахәын азинхьчаратә усбарҭақәа, аӡбаратә еилазаара анапхгаҩцәа, азинхьчаратә усбарҭақәа русзуҩцәа.

Аҟәа ахақәиҭтәра еиԥхыӡуан аԥсуа еибашьцәа зегьы. Еилкаан, аҳҭны-қалақь аӷа знык далцахар, аибашьра алахьынҵа шыӡбахоз. Еиҳарак знык Аҟәа ҳзалаландаз ҳәа ихыцуан аҳҭны-қалақь аҿы ииз, иааӡаз аҷкәынцәа. Урҭ Гәымсҭа ихықәтәалан иԥшуан.

Сентиабр 25 рзы Аԥсны Жәлар Реизара аилатәара мҩаԥысит. Амш хәаԥштә аҿы иқәгылан жәаха зҵаареи, еиуеиԥшым азҵаарақәа хԥеи. Аилатәара аартын Аԥсны агимн арҳәарала. Актәи азҵаара азкын ашәахтә шәаратә система арманшәаларазы аиҭакрақәа рылагалара. Уи инарҭбаан дахцәажәеит адепутат Беслан Ҳалуашь. Иара иазгәеиҭеит, гәыԥҩык абизнес уааи ауаажәларратә палатеи рҟнытә ашәҟәқәа шроуз. Убри инамаданы акомитет аҟны еилацәажәаны, ишырыӡбаз атаблица аҟаҵара. Дара ирыдгалаз азакәан апроект аҟны…

Ахырҵәарақәа, аибашьрақәа ишдыру еиҧш, еиҳа ирныруеит ажәлар маҷқәа. Аха хыҧхьаӡарала рмаҷра Ҳазшаз иациҵаз адоуҳа хеиқәырхагак ахь ихьанарҧшуеит урҭ ианакәызаалак. Кавказ ашьхаруа жәларқәагьы ус шаҟантә иақәшәахьеи?! Аха ргәы камыжькәа еиҭахгьы рхьышьҭрақәа инархылоит, рылҩаҵә зхылҵша акәицқәа неихәлаҵо, дара-дара ргәы еибарҕәҕәо, ршьапы ақәгыларазы рыжәҩахыр неибыҭо. Ааи, уи рмилаҭтә хаҿра амырӡра, ахеиқәырхара амч ауп ирылзыршо.