Урыстәыла аекономикатә ҿиара аминистр ихаҭыԥуаҩ Дмитри Вольвач зхадараҿы дыҟоу Урыстәылатәи аделегациа Аԥсни Урыстәылеи рыбжьара аекономикатәи аҵарадырратәи аусеицура арӷәӷәара иазырхоу аиԥыларақәа мҩаԥыргеит, ҳәа адырра ҟанаҵоит аусҳәарҭа апресс-маҵзура.

Урыстәыла аекономикатә ҿиара аминистр ихаҭыԥуаҩ Дмитри Вольвач Аҟәа ақалақь аҿы ангиограф ахьықәдыргыло Ахәыҷтәы республикатә хәышәтәырҭа аргылара шымҩаԥысуа гәеиҭеит.

Урыстәылатәи Афедерациа аекономикатә ҿиара Аминистрра аделегациа алархәны Аԥсны асоциал-економикатә ҿиара азҵаарақәа ирызкыз аусуратә еилацәажәара мҩаԥысит Аԥсны Аминистрцәа Реилазаараҿы. Уи иалахәын Урыстәылатәи аделегациа.

Аенергетика, атуризм, асоциалтә усхк, еиҵамҵуа амазара, аҳәынҭқарратә напхгараҭара ацифротәра, ашәахтәқәҵара, амедицина, аҵарадырра – Аԥсни Урыстәылеи рыбжьара асоциал-економикатә усеицура аҳәаақәа ирҭагӡаны аусхктә мҩақәҵагатә хсаалақәа зызкхо ихадоу хырхарҭақәаны иҟоуп.

Рашәарамза 16 азы Аҳәынҭқарра Ахада Бадра Гәынба Урыстәыла аекономикатә ҿиара аминистр ихаҭыԥуаҩ Дмитри Вольвач дидикылеит, – иаанацҳауеит Аԥсныпресс.