Абас ахьӡын ҳақалақь Аҟәа амшныҳәаз Аҧсны асахьаҭыхҩцәа Реидгыла ацәыргақәҵатә залаҿ еиҿкааз ацәыргақәҵа. Уи алыршан Аҟәа ақалақь ахадара ацхыраарала.

Абаҩхатәра ссир злоу, х-ҩык арҧарцәа еидызкыло агәыҧ «Анатрио» шьақәгылеижьҭеи рацәак ҵуам. Аха ари агәыҧ иалоу арҧарцәа: Алхас Ферзба, Нугзар Какалиа, Алиас Абыхәба бжьеинаалала еицынарыгӡо ашәақәа аамҭа кьаҿк иалагӡаны иргәылархалеит, гәыблыла ирыдыркылеит ҳауаажәлар. Шамахамзар агәыҧ «Анатрио» алахәылацәа рынагӡашьа ихнамхыз, згәаҵаҿ имнеиз дыҟам.

Аҧсны Жәлар рџьынџьтәылатә еибашьраҿы игаз аиааира ҩажәи жәаба шықәса ахыҵреи, Аҧсны ахьыҧшымра азхаҵара жәохә шықәса ахыҵреи разгәаҭара аламҭалазы, Очамчыра араион Маркәыла ақыҭан иқәдыргылараны иҟоуп аҧсадгьыл ахьчаҩцәа рбаҟа.

Жәытә-натә аахыс аҧсуаа амилаҭ рлахьынҵа аӡбара ианаҿу зхы ҧхьамкыкәа, згәымшәара аҧхьа изыргылаз, «Нарҭаа гәымшәақәа дырхылҵшьҭроуп» ҳәа ишьҭан.