Ааигәа Д.Гәлиа ихьӡ зху Аҧсуаҭҵааратә институт аҟны имҩаҧысит Аҧсны 1930-тәи ашықәсқәа раан аус зуаз еицырдыруа асоветтә ҭоурыхҩҩы Анатоли Фадеев (1908 – 1965) иалкаау иусумҭақәа ҩ-томкны реизга аӡыргара. Аҧсны Раҧхьатәи Ахада Ифонд адгыларала иҭыжьу аизга ианылеит Аҧсни Мрагылара Амшынҿықәи рҭоурых иазку аусумҭақәа жәпакы. Абарҭ аусумҭақәа зегьы акьыҧхь рбахьан усҟантәи ашықәсқәа раан, убри аахыс еиҭаҭыжьмызт.