Аҧыза-министр ихаҭыҧуаҩ, афинансқәа рминистр Владимир Делба ашәахтәқәеи аизгарақәеи Рминистрра аколлектив дыдирдырит август 19 азы Аҧсны Ахада Иусҧҟала абри амаҵура иахаргылоу аминистр ҿыц Михаил Габелиа.

Беслан Ешба хадас дызмоу Аҟәа Ахадара аделегациа Нижни Новгород иҟан, – иаанацҳауеит аҳҭнықалақьтәи ахадара асаит.

Шьалодиа Аџьынџьал диижьҭеи 90 ш. аҵра иазкны

Аҧсны жәлар рышәҟәыҩҩы, ауаажәларратәи аҳәынҭқарратәи усзуҩы Шьалодиа Аџьынџьал  диижьҭеи 90  ш. ҵит.

Сентиабр 1 азы – адыррақәа рдунеи ахь

Мышқәак роуп иаанхаз – аҧхынра ииасуеит,ишаҧу еиҧш, иааит ҭагалан. Уи инамаданы – иҳамбаӡакәа аҵарашықәс алагамҭагьы. Ақалақь аҩныҵҟа ацәажәарақәа ыҟоуп ахәыҷқәа сентиабр аказы ашкол ахь ицаӡом, октиабр мзазы ауп ҳәа. Уи ҵабыргны ирҳәоу, мамзаргьы ус цәажәароу, насгьы Аҧсны араионқәеи ақалақьқәеи рҟны ашколқәа аҵарашықәс алагара иахьынӡазхиоу еилаҳкаарц ҳлыҿцәажәеит Аҧсны аҵареи абызшәатә политикеи рминистр актәи ихаҭыҧуаҩ Ада Кәарҷелиаҧҳа.

Гагра ақалақь аҟны ақыҭанхамҩатә дгьылҵакырақәа рырҿиаразы ПРООН еицырзеиҧшу апрограмма инақәыршәаны имҩаҧысит Аҧсны иаадрыхуа, иагьҭрыжьуа аалыҵқәа рқыҭанхамҩатә џьармыкьа. Уи аҧсуа фермерцәа алшара рнаҭоит раалыҵ ацәыргаразы, аҭиразы, Аҧсны ауааҧсыреи асасцәеи ракәзар, ақыҭанхамҩатә аалыҵқәа раахәара, аинтерес роур, ҳаҧхьаҟагьы аусеицуразы аарыхыҩцәа рҟны ишиашоу аимадарақәа рышьақәыргыларазы.

Ааигәа Аҧсны акультура Аминистрра аҧшьгарала 70-тәи ашықәсқәа рзы еиҿкааз абыргцәа ретнографиатә хор «Нарҭаа» ҩаҧхьа ахацыркра, ҿыц аиҭашьақәыргылара азгәаҭан. Уи анагӡара – «аетнографиатә хор» аиҿкаара, напхгара аҭара лнапы ианырҵеит Аҧсны жәлар рартист, аҭыҧҳацәа рансамбль «Гәында» асахьаркыратә напхгаҩы Роза Расим-иҧҳа Чамагәуа.

Аҧсни, Венесуелеи, Аахыҵ-Уаҧстәылеи, Мали, Камеруни, Камбоџьеи, Киргизиеи рҟнытә аррамаҵзуҩцәа раҧхьаӡа акәны иалахәуп «Арра-медицинатә естафета» аконкурс. Уи аатит Киров ихьӡ зху Арра-медицинатә академиа ашьаҭала Ленинградтәи аобласт Красное Село аҟны, – иаанацҳауеит Аҧсны атәылахьчара аминистрра асаит.

Абри аҽны Аҧсны ақалақьқәеи араионқәеи зегьы рҟны 1992-1993 шықәсқәа рзы Аҧсны жәлар Рџьынџьтәылатә еибашьраан иҭахаз рбаҟақәеи рнышәынҭрақәеи рҟны ашәҭқәа шьҭарҵеит. 30 шықәса уажәаҧхьа, 1992 шықәса август 14 аҽны Аҧсны иақәлеит Қырҭтәыла аҳәынҭсовет архәҭақәа.

Иара уби аҽны Аҧсны Иреиҳаӡоу Асовет Ахантәаҩы В.Арӡынба ажәлар рахь ааҧхьара ҟаиҵеит еидгыланы аҕа иҿагыларц. Аибашьа цон 413 мшы.

Ақалақь-Фырхаҵа Гәдоуҭа аибашьра иалҵыз ашәақәа шьыжьнаҵы иалыҩуан. Аконфедерациа аштаб ахьыҟаз ашәҭқәа ргәыдкыланы ажәлар неиуан. Нанҳәамза 15,  1992 шықәсазы Аҧсны жәлар Рџьынџьтәылатәи аибашьра аҩбатәи амш азы акәын. Усҟан Ҧсоу аҳәаа 18-ҩык зхатәгәаҧхарала цхырара иаауаз Сулҭан Сосналиев дрыҧгыланы иааит. Уи амш аҭоурых аҿы арыцхә хадақәа ируакны иаанхоит. Аҧсны аҧсреи абзареи ианрыбжьагыла, бџьаршьҭыхла ахьчара анаҭахха иарҕьажәҩаны иааҳавагылеит зхатәгәаҧхарала аибашьра иааз жәҩахыр ҕәҕәала иааҳавагылаз егьырҭ амилаҭқәагьы. Аконфедерациа аштаб хада Гәдоуҭа ишьақәдыргылт.

Аҧсны Ахада Аслан Бжьаниа хатәгәаҧхарала еибашьуаз Рымш иазкны ааҧхьара ҟаиҵеит. Уаҟа иазгәаҭоуп:

Ҳаҭыр зқәу ҳџьынџьуаа, акыр иаҳзаҧсоу хатәгәаҧхарала аибашьцәа, гәык-ҧсыкала ишәыдысныҳәалоит хатәгәаҧхарала еибашьуаз Рымш!

Аслан Бжьаниа иҟаиҵаз ааҧхьара

Август 11 рзы Аҧсны Ахада Аслан Бжьаниа Урыстәылатәи Афедерациа аекономикатә рҿиара аминистр Максим Решетников дидикылеит.

Аҧсны Ахада бзиала шәаабеит, Максим Геннади-иҧа Аҧсны ҳәа иаҳәо, иирдырит акыр ишазыҧшыз иаара. Аҧсны Ахада Аслан Бжьаниа иҳәеит ишидыруа аамҭа кьаҿк иалагӡаны аминистр еиуеиҧшым Аҧсны аобиектқәа дшырҭаахьоу. Уи атәы инарҭбааны анаҩс дара шалацәажәо.