Ареспубликатә ҳәынҭқарратә усҳәарҭа «Аҧснымедиа»
Аҳәынҭқарра Ахада Аслан Бжьаниа Адгәыр Агрба изаамҭанытәиу акласстә чын ианашьаразы Аусԥҟа инапы аҵаиҩит. Аусԥҟа аҟны иазгәаҭоуп: «Ианашьазааит «Аиустициа 3 акласс иаҵанакуа аҳәынҭқарратә абжьгаҩ» ҳәа изаамҭанытәиу акласстә чын Аԥсны Аҳәынҭқарра апрокурор Хада Агрба Адгәыр Нугзар-иԥа».
52 шықәса дшырҭагылаз, акыраамҭа ихьуаз ачымазара ӷәӷәа иахҟьаны, иԥсҭазаара далҵит арепатриант, Аԥсны Жәлар Реизара аԥшьбатәи ааԥхьара адепутат, Аԥсны жәлар Рџьынџьтәылатә еибашьра аветеран, «Ахьӡ-Аԥша» аорден ахԥатәи аҩаӡара занашьоу Сонер Неџьми-иԥа Гогәуа.
«Ҩымзҟа раԥхьа уи Сҭампылынтәи диаргеит Москва ареабилитациатә центрқәа руак ахь. Ари ҳажәлар рзы, хаҭала сара сзы цәыӡ дууп», – Аԥсныпресс аҟны абас иҳәеит Аԥыза-министр актәи ихаҭыԥуаҩ, ақыҭанхамҩа аминистр Беслан Џьопуа.
Аԥсныпресс. Аԥсны Очамчыра араиони Удмуртиа (Урыстәыла) Алнаштәи араиони акультура, атуризм, аҵарадырра, аспорт, ақыҭанхамҩа уҳәа рганахьала аусеицуразы аиқәышаҳаҭра рнапы аҵарҩит, – иаанацҳауеит Очамчыра-информ.
Абарҭ амшқәа рзы Очамчыра ақалақь иаҭааны иҟан Урыстәылатәи Афедерациа Удмуртиатәи Ареспублика Алнаштәи араион аделегациа. Уи напхгара аиҭон араион ахада Алеқсеи Семионов.
Асҭамыр Гәынбеи Мараҭ Кокосқьериеи аиааира ргеит, Баграт Ԥандариа иакәзар, ахацәа рыҩнуҵҟа ахы иақәиҭны аиқәԥаразы Ацентртә федералтә округ ачемпионат аџьаз ԥхьахәы ианашьахеит, – иаанацҳауеит Аԥсны аспорт азы Аҳәынҭеилакы асаит. Ачемпионат мҩаԥысуан Брианск.
Аԥсныпресс. 2023 шықәса хәажәкырамза 1 инаркны лаҵарамза 31 аҟынӡа Аԥсны еиҭамҩаԥысуеит атәанчаҩцәа рышәҟәҭагалара. Уи азы ақәҵара рыдыркылеит Аминистрцәа Реилазаара аилатәараҿы. Асоциалтә еиқәыршәареи адемографиатә политикеи рминистр Руслан Аџьба аиҭашәҟәҭаҩра шымҩаԥысуазы адырра ҟаиҵеит.
Аԥсныпресс. Аекономика Аминистрра Адҵала Џьынџьал Ҭемыр Иван-иԥа Ареспубликатә унитартә наплакы «Амшынеиқәафымцамч» адиректор хадас дҟаҵоуп. Ҭемыр Аџьынџьал 2007 шықәса раахыс Аҟәа ақалақь ахадара Амуниципалтә унитартә наплакы «Аҟәатәи СУЕС» адиректорс аус иуан, афымцамч аусхкы аҿы – 1996 шықәса инаркны. Абри азы адырра ҟанаҵоит Аԥсны аекономика Аминистрра апресс-маҵзура.
Аԥсныпресс. Аминистрцәа Реилазаара аамҭа кьаҿк иҭагӡоу анапхгаратә хықәкытә программа «2023 шықәсазы Аԥсны имаҷуи ибжьаратәуи аусдкылара адгыларазы Апрограмма» шьақәнарӷәӷәеит. Иарбоу апрограмма инақәыршәаны, имаҷуи ибжьаратәуи аусдкылара асубиектқәа рекономикатә хырҳара ашьҭыхра хықәкыс иҟаҵаны, аҳәынҭқарра аҟынтәи афинанстә цхыраара роулоит, ҳәа адырра ҟанаҵоит Аԥсны аекономика Аминистрра апресс-маҵзура.
Аԥсныпресс. Нижни Новгород аҟны Аҟәа ақалақь Ахадара Амуниципалтә унитартә наплакы «Арго-Инвести» Амуниципалтә автономтә усбарҭа «Ақалақь Нижни Новгород атуризм азы Аусбарҭеи» атуризм аусхк аганахьала аусеицуразы аиқәшаҳаҭра рыбжьарҵеит. Абри азы адырра ҟанаҵоит Аҟәа ақалақь Ахадара аофициалтә саит.
Аԥсныпресс. Аԥсны апрокуратура Хада ахаҭарнакцәа аҳәаанырцәтәи аҳәынҭқаррақәа рзинхьчаратә усбарҭақәа рхаҭарнакцәа рзы азанааҭтә дырра аҩаӡара ашьҭыхра апрограммақәа рыла аҽазыҟаҵарақәа ирхысит, ҳәа адырра ҟанаҵоит Аԥсны апрокуратура Хада аофициалтә саит.
Ааигәа Аҧсны аҳәынҭқарратә шәҟәҭыжьырҭаҿы иҭрыжьит еицырдыруа акритик, алитератураҭҵааҩ, Д.И. Гәлиа ихьӡ зху Аҳәынҭқарратә премиа занашьоу Рус лан Қапба ишәҟәы ҿыц «Терент Ҷаниа». Аҭыжьымҭа рызкуп абаҩхатәра злаз апоет, апрозаик, апублицист, ауаажәларратә усзуҩы Терент Ҷаниа иҧсҭазаареи ирҿиамҭақәеи.
Аҵарауаҩ Р. Қапба аҧсуа шәҟәыҩҩцәа ҷыдала рыҧсҭазаареи рырҿиаратә мҩеи ирызкны 23 шәҟәы ҭижьхьеит. Иҭҵаарадырраҿы урҭ шьарда зҵазкуа аҭыҧ ааныркылеит.
Урыстәыла анаукақәа Ракадемиа Асубтропикатә наукатә центр аҵарауаа ргәыԥ Аҟәа ақалақь акәша-мыкәша анышәаԥшь амҽхак иазкны аҭҵааратә усурақәа мҩаԥнагеит ҳәа адырра ҟанаҵоит Урыстәыла анаукақәа Ракадемиа Асубтропикатә наукатә центр апресс-маҵзура.
Аԥсныпресс. Аҟәатәи алицеи-интернат 9 акласс аҵаҩы Вероника Ҳагба автомат (Калашников- АКМ-7,62) аимыхреи аибыҭареи рзы уаанӡа ишьақәлыргылахьаз арекорд еиҳаз арекорд ҩаԥхьа ишьақәлыргылеит.