Жәабранмза 15 рзы «Аԥсны Спутник» апресс-центр аҟны акамереи аҭели рыла ииашаны авидео шҭыхтәу иазкны амастер-класс мҩаԥигеит амедиагәыԥ «Россия сегодня» аинформациатә технологиа азҟаза Игор Мазунин. Уаҟа рхы аладырхәит Аԥснытәи еиуеиԥшым амассатә информациатә хархәагақәа рҟынтәи ажурналистцәа, иара убасгьы Аԥснытәи аҳәынҭқарратә университет аҟны аҵара зҵо ажурналистцәа ҿарацәа.

1929 шықәса февраль жәибыжь рзы Аҟәа иаартын Аԥсуа профессионалтә драматә театр.Ари арыцхә хҭыс дуны иҟалеит аԥсуа доуҳатә культура аҿиара амҩан. Атеатр аԥсуа ҟәша аҟны иқәыргылан Ӡаӡ Дарсалиа идрама «Ажәытәра иагаз». Аспектакль ахәаԥшцәа даараӡа иргәаԥхеит.
Усҟантәи аамҭазы аҭагылазаашьа шмариамызгьы, атеатр агәыԥ еиднакылоз С. Бжьаниа, Е. Шакирбаи, И. Аӡынба, М. Бӷажәба, К. Гогиа уҳәа ирылдыршеит ахәаԥшцәа атеатртә ҟазара радԥхьалара.

Иҳаҩсыз амчыбжь анҵәамҭазы имҩаԥысит амилаҭтә идеологиа ашьаҭаркыҩцәа ируаӡәку, аԥсуа сахьаркыратә литература ауасхыршьҭаҵаҩ, арккаҩы Дырмит Иасыф-иԥа Гәлиа диижьҭеи 150 шықәса аҵреи агазеҭ «Аԥсны» 105 шықәса ахыҵреи ирызку аиубилеитә усмҩаԥгатәқәа реиҿкааразы, атәыла Ахада ихаҭыԥуаҩ Бадра Зураб-иԥа Гәынба ихантәаҩрала иаԥҵоу Аҳәынҭқарратә комиссиа аҩбатәи аилатәара.

Аҩнаҵаҟа иҟаз ауадабжьара ҳааҩналеит. Наҟ-ааҟ ииаҵәаӡа иҿаз аӷәтәышәқәа руак аалыртын, аԥшәма ҳамҩахылгеит. Ҳаԥхьа иаагылеит илашаӡа, иԥхаӡа иҟаз аҟазарҭа. Зегьы еилфаҷа рҭыԥқәа рҿы иҟан. Уи иаразнак улаԥш иҵашәон, ауадаҿы аҟазаара уҭаххон. «Арахь атәымуаҩ даасымгацт, зегьы снапала иҟасҵеит азы сахыбаауеит», - лҳәеит аҟазарҭа аԥшәма, ҳахьааиз аҭыԥ шаҳгәаԥхаз анылба.

Машәыршақә акәымзар ҟалап Аԥсны жәлар рпоет ду, аԥсуа бызшәа абду, сынтәа диижьҭеи 150 шықәса ахыҵра азгәаҳҭо Дырмит Гәлиа имшира жәабранмза 21 иахьақәшәаз.

Ааигәа, С.Ҷанба ихьӡ зху Аԥсуа драматә театр аҟны ахәаԥшцәа идырбан аиспан поет, адраматург Федерико Гарсиа Лорка ипиеса иалхыз «Ишьаарҵәырахаз ачара». Уи ахәаԥшцәа даара ибзианы иахьрыдыркылаз аҟнытә, ҩаԥхьа аиҭарбара еиҿкаан.