Ажьырныҳәамза 1, 2024 шықәса инаркны Аԥсны аусура зылшо аӡәы ихныҟәгаразы ахарџьқәа 11 072,4 мааҭ рҟынӡа инаӡеит, – адырра ҟанаҵоит Аԥсны астандарт азы Аҳәынҭқарратә еилакы.

Нхыҵ-Кавказ зыхьӡ нагоу акомпозиторцәа ируаӡәку, ­­­ М. И. ­­Глинка ихьӡ зху аҳәынҭқарратә премиа алаурет, Ҟарачы-Черқьесктәи Ареспублика агимн автор, еицырдыруа ашәаԥҵаҩы, акомпозитор Аслан Дауров имузеи аадыртит Черқьеск ақалақь аҟны.

Урыстәыла иҟоу Аҷыдалкаатә зинмчы змоу Аԥсны ацҳаражәҳәаҩ Алхас Кәыҵниа анаука-практикатә конференциа «Евромаидан: «Украина иацәыӡыз ажәашықәса» ихы алаирхәит.