ХХ ашәышықәса анҵәамҭазы, нанҳәамза 14, 1992 ш. Қырҭтәыла Аҳәынҭсовет ар Аҧсны иақәлеит аҧсуаа тәыс иҟаҵаны Аҧсынтәыла рымпыҵархаларц, иртәыртәырц. Аҧсуа жәлар ахаан аӡәы иҿаҧхьа ишьамхнышымгылац, баагәаран игылеит ҳаҧсадгьыл ахьчаразы. Уи аамҭа цәгьазы Аҧсны иахагылаз, ажәлар зегьы бзиа еицырбоз, рыгәҭыха зыгәҭыхаз, ирҿахәҳәаҩыз Владислав Григори-иҧа Арӡынба гәкаҳарак ажәлар идимырбеит. Уи ихшыҩ дуи, идырра ҵаулеи, иҧсадгьыл ахь имаз абзиабареи, ҳаибашьцәа ракзаареи Аиааира ҳдыргеит.

Нанҳәамза жәохә рзы ҳтәылаҿы иазгәарҭеит ақырҭуа-аҧсуа еибашьраан зхатәгәаҧхарала иааны Аҧсны еибашьуаз Рымш. Кавказ аиашьара жәларқәа рҟынтәи аибашьцәа раҧхьатәи ргәыҧ еибашьра ҳәа ашьха каҵәарақәа ирхысны, шәарах мҩахәасҭала Аҧсныҟа иааит нанҳәамза жәохә рзы – аибашьра аҩбатәи амш азы. Уи аахыс иҵит ҩажәи жәаба шықәса. Анчхьоу акаҵәара ихыҵны аибашьра раҧхьатәи амшқәа рзы Аҧсныҟа иааз хатәгәаҧхарала еибашьуаз ргәыҧ далан Ҟабарда-Балкариатәи аибашьҩы, Аҧсны Афырхаҵа Муҳаммад…

Аҧсны Ахада Аслан Бжьаниа Адунеизегьтәи аҧсуа-абаза конгресс Иреиҳаӡоу ахеилак ахантәаҩы Мусса Екзеков имшира идиныҳәалеит.

Аҧсны Ахада Аслан Бжьаниа аекономика хра злоу азҵаарақәа ирызкны аилацәажәара мҩаҧигеит, – иаанацҳауеит Ахада ипресс-маҵзура.

Аҧсны Ахада ихаҭыҧуаҩ Бадра Гәынба Ҟарачы-Черқьестәыла Абыргцәа Рхеилак ахантәаҩы Абу-Иусуф Банов инапаҿы ииркит Аҧсны иреиҳаӡоу аҳәынҭқарратә ҳамҭа – «Ахьӡ-Аҧша» аорден ахҧатәи аҩаӡара. Аҧсны Ахада Аслан Бжьаниа Иусҧҟала 1992-1993 шықәсқәа рзы Аҧсны жәлар Рџьынџьтәылатә еибашьраан илшамҭақәа рзы, Аҧсни Ҟарачы-Черқьестәылеи реиҩызаратә еизыҟазаашьақәа рырҕәҕәараҿы илагаламҭазы, активла имҩаҧигауа аусуразы Абу-Иусуф Банов 2022 шықәса маи 3 азы ианашьан «Ахьӡ-Аҧша» аорден ахҧатәи аҩаӡара.