Асабша, ианвар 28 азы Очамчыра араион Тамшь ақыҭан имҩаҧган Аҧшьа Николаи Ассиррҿиаҩы (Чудотворец) ажәытәтәи иуахәама аҧшьара. Уи мҩаҧыргеит Аҧснытәи Ақьырсиан иаша­­хаҵара аиҳабы аиереи Вис­сарион (Аҧлиаа), Аҧс­нытәи адин­маҵзура аҧшьаҩцәа. Ауахәамаҿы ашәа рҳәон Аҟәатәи акафедралтә уахәама ахор.

Ианвар 26 азы Аҧсны Ахада Аслан Бжьаниа имҩаҧигаз инарҭбааз аилацәажәара азкын 2022 шықәсазтәи аусура аихшьалақәа рыҟаҵара.

Аҩажәатәи ашәышықәса аҩажәатәи ашықәсқәа рзыҳәан Аҧсны ихацыркын аефиртә хәшақәа рыҭҵаара. Ахәша еиҳа еиҕьны излыҵуа аҵиаахкқәеи ашәырхкқәеи рыҧшаара, ралкаара, уи моу ҳтәылаҿы иззымҳауа акультура хкқәа аҳәаанырцәынтәи иааганы реиҭаҳара мҽхакы ҭбаала ихацдыркуеит аҩажәижәабатәи ашықәсқәа ралагамҭазы.

Аԥсны жәлар рпоет Мушьни лашәриа 85 шықәса ихыҵра амш азы Аԥсны Ахада дидикылеит. «Шәиубилеи шәыдны­ҳәалауа агәабзиареи аихьӡарақәеи шәзеиӷьасшьоит. Шәара абаҩхатәра злоу поетуп, шәҟәыҩҩуп. Еиҭажә­гахьеит адунеи аҟны еицырдыруа арҿиамҭақәа. Шәџьабаа ахәшьара бзиа амоуп, Аԥсны еиԥш, Урыстәы­лангьы. Даҽа жәашықәсақәак шәҳацзароуп», - иҳәеит Аԥсны Ахада.

М. Лашәриа – дпоетуп, деиҭагаҩуп, дҵарауаҩуп. Аиашаз, уамашәа иубартә иҟоуп абарҭқәа зегь рҿы данқәыҧ­­шыз ашықәсқәа инадыркны илиршаз, ҳдоуҳатә ҧсҭазаара, ҳмилаҭ культура иалеигалаз, дызланыҧшыз.